ଓଡ଼ିଶା ଲେଖା ଅଫିସ୍: ଥିରୁଅନନ୍ତପୁରମ୍ ଚାଲିଥିବା ଭାରତ- ନ୍ୟୁଜିଲାଣ୍ଡ ଟି-୨୦ ସିରିଜ ଆଜି ଭାରତ ୪-୧ ସିରିଜ୍ ହାତେଇ ନେଇଛି। ଦମ୍ ଦାର ବ୍ୟାଟିଂ ଓ ବୋଲିଂ କରି ସିରିଜ୍ କବଜା କରିଛି ଭାରତ। ଭାରତ ପ୍ରଥମେ ଟଚ୍ ଜିତି ବ୍ୟାଟିଂ କରିବାର ନିଷ୍ପତ୍ତି ନେଇ ପଡ଼ିଆକୁ ଓହ୍ଲାଇଥିଲା। ନିର୍ଦ୍ଧାରିତ ୨୦ ଓଭରରେ ଦଳର ମୂଲ୍ୟବାନ ୫ଟି ୱିକେଟ୍ ହରାଇ ୨୭୧ରନର ବିଶାଳ ସ୍କୋର ଛିଡ଼ା କରିଥିଲା ଭାରତ। ଦଳ ତରଫରୁ ଇଶାନ କିଶାନ୍ ୪୩ ବଲ ସମ୍ମୁଖିନ ହୋଇ ୧୦ଟି ଛକା ଓ ୬ଟି ଚୌକା ସହାୟତାରେ ୧୦୩ ରନ କରି ଆଉଟ୍ ହୋଇଥିବା ବେଳେ ସୁର୍ଯ୍ୟକୁମାର ଯାଦବ ୬୩, ହାର୍ଦିକ ପାଣ୍ଡିଆ ୪୨ ଓ ଅଭିଷେକ ଶର୍ମା ୩୦ ରନ୍ କରିଥିଲେ।
୨୭୨ ରନ ବିଜୟ ଲକ୍ଷ ନେଇ ପଡ଼ିଆକୁ ଓହ୍ଲାଇଥିଲେ ନ୍ୟୁଜଲାଣ୍ଡ ଦଳ। ନ୍ୟୁଜଲାଣ୍ଡ ଦଳ ୧୯.୪ ଓଭାରରେ ଦଳର ସମସ୍ତ ୱିକେଟ୍ ହରାଇ ୨୨୫ ରନ୍ କରି ପରାଜୟ ବରଣ କରିଛି। ଭାରତ ପକ୍ଷରୁ ଆର୍ଷିଦିପ ସିଂହ ୫ଟି ୱିକେଟ୍, ଅକ୍ଷର ପଟେଲ୍ ୩ଟି ୱିକେଟ୍, ବରୁଣ ଚକ୍ରବର୍ତ୍ତୀ ଓ ରିଙ୍କୁ ସିଂ ଗୋଟିଏ ଲେଖାଏଁ ୱିକେଟ୍ ନେଇଥିଲେ। ଭାରତ ହାତକୁ ଚମ୍ପିୟାନ ଟ୍ରଫି ଯାଇଥିବା ବେଳେ ଇଶାନ୍ କିଶାନଙ୍କୁ ମ୍ୟାଚର ମ୍ୟାନ ଅଫ ଦି ମ୍ୟାଚ୍ ଭାବେ ପୁରସ୍କୃତ କରାଯାଇଥିବା ବେଳେ ସୁର୍ଯ୍ୟକୁମାର ଯାଦବଙ୍କୁ ମ୍ୟାନ ଅଫ ଦି ସିରିଜ୍ ଭାବେ ବିବେଚିତ କରାଯାଇ ପୁରସ୍କୃତ କରାଯାଇଛି।
