ନୟାଗଡ, (ଓଡ଼ିଶା ଲେଖା): ନୟାଗଡ଼ ଜିଲ୍ଲାର ସର୍ବ ପୁରାତନ କ୍ଲବ୍ ଭାବେ ନିଜର ସ୍ୱତନ୍ତ୍ରତା ବଜାୟ ରଖିଥିବା କେସି କ୍ଲବ୍ ଶତବାର୍ଷିକ ଉତ୍ସବ ସମାରୋହ ପାଳନ କରୁଛି। ୫ଦିନ ଧରି ଅନୁଷ୍ଠିତ ହୋଇଆସୁଥିବା କେସି କ୍ଲବର ଶତବାର୍ଷିକ ଜୟନ୍ତୀ ସମାରୋହର ଉଦଯାପନୀ ଉତ୍ସବରେ ରାଜ୍ୟ ସରକାରଙ୍କ ରାଜସ୍ଵ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ମୁଖ୍ୟ ଅତିଥି ଭାବେ ଯୋଗ ଦେଇଥିବାବେଳେ ନୟାଗଡ଼ ଜିଲ୍ଲାପାଳ ମଧୁମିତା ରଥ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ତତ୍ ସହିତ ଖଣ୍ଡପଡ଼ା ବିଧାୟକ ଦୁଷ୍ମନ୍ତ କୁମାର ସ୍ଵାଇଁ, ରାଜ୍ୟ ବିଜେପି ଯୁବମୋର୍ଚ୍ଚା ସଭାପତି ଅଭିଳାଷ ପଣ୍ଡା, କ୍ଲବ୍ ସଭାପତି ଭାଗିରଥି ଦାସ, ଉପ ସଭାପତି ଭବାନୀ ଶଙ୍କର ଦାସ, ସଂପାଦକ ସଂଗ୍ରାମ କେଶରୀ ଗୁମାନସିଂହ, ଯୁଗ୍ମ ସଂପାଦକ ଚନ୍ଦନ ମହାପାତ୍ର, କୋଷାଧ୍ୟକ୍ଷ ଶାରଦା ପ୍ରସାଦ ମହାପାତ୍ର ଉପସ୍ଥିତ ଥିବା ବେଳେ କ୍ଲବର ସଦସ୍ୟ ରାମକୃଷ୍ଣ ରଥ ମଞ୍ଚ ସଂଯୋଜନା କରିଥିଲେ।
ତେବେ ଏହି ଉଦଯାପନୀ ଉତ୍ସବରେ କେସି କ୍ଳବ ଘଡିସନ୍ଧି ମୃହୁତ୍ ଦେଇ ଶତବାର୍ଷିକର ବୀବରଣୀ ପାଠ କରାଯାଇଥିବା ବେଳେ କ୍ଲବର ଏକ ସମ୍ମିଳନୀ ଗୃହ ଓ ଡିଜିଟାଲ ଲାଇବ୍ରେରୀ ନିର୍ମାଣ ପାଇଁ ଆର୍ଥିକ ଅନୁଦାନ ଯୋଗାଇ ଦେବାକୁ ମନ୍ତ୍ରୀ ଶ୍ରୀଯୁକ୍ତ ସୂରେଶ ପୂଜାରୀଙ୍କ ପାଖରେ ଖୋଲା ମଞ୍ଚରେ ଦାବି ଉପସ୍ଥାପନ ଜଣାଇଥିଲେ ଖଣ୍ଡପଡ଼ା ବିଧାୟକ ଶ୍ରୀଯୁକ୍ତ ସ୍ୱାଇଁ। ସେହିପରି ଭାବେ ଅପ୍ଳ କଥା କହି ସମସ୍ତଙ୍କ ହୃଦୟକୁ ଜିଣି ନେଇଛନ୍ତି ନୟାଗଡ଼ ଜିଲ୍ଲାପାଳ ମଧୁମିତା ରଥ। ଭାଷଣ ଦେବା ପାଇଁ ନୁହେଁ, ମୁଁ କାମ କରିବାକୁ ଆସିଛି ଏବଂ ନୟାଗଡ଼ ଜିଲ୍ଲାର ବିକାଶ ଏକ ମାତ୍ର ଲକ୍ଷ ରହିଥିବା ବେଳେ ବିକଶିତ ନୟାଗଡ଼ ସ୍ବପ୍ନ ଦେଖିବା, ସ୍ବପ୍ନ ପୁରଣ କରିବା ମୁଖ୍ୟ ଉଦେଶ୍ୟ ବୋଲି ଜିଲ୍ଲାପାଳ ଶ୍ରୀମତୀ ରଥ ବକ୍ତବ୍ୟ ରଖିଥିଲେ।
