ନୟାଗଡ଼, (ଓଡ଼ିଶା ଲେଖା): ନୟାଗଡରେ ୭୭ତମ ସାଧାରଣତନ୍ତ୍ର ଦିବସ ମହାସମାରୋହରେ ପାଳିତ ହୋଇଯାଇଛି। ଏହି ଅବସରରେ ଆୟୋଜିତ ପ୍ୟାରେଡ ଉତ୍ସବରେ ରାଜ୍ୟ ସରକାରଙ୍କ କ୍ରୀଡ଼ା ଓ ଉଚ୍ଚଶିକ୍ଷାମନ୍ତ୍ରୀ ସୂର୍ଯ୍ୟବଂଶୀ ସୂରଜ ପତାକା ଉତ୍ତୋଳନ କରିବା ସହ ପ୍ଯାରେଡ୍ ରେ ଅଭିବାଦନ ଗ୍ରହଣ କରିଥିଲେ । ସ୍ଥାନୀୟ ପିଟିଏସ୍ ପଡିଆଠାରେ ଆୟୋଜିତ ପ୍ଯାରେଡ୍ ରେ ବିଭିନ୍ନ ବିଦ୍ୟାଳୟ , କଲେଜ ଏବଂ ଆରକ୍ଷୀ ବାହିନୀର ୪୯ଟି ଦଳ ଭାଗ ନେଇଥିଲେ ।
ଏହାସହିତ ବିଭିନ୍ନ ବିଭାଗର ପ୍ରଜ୍ଞାପନ ମେଢ ପ୍ଯାରେଡ୍ ରେ ଭାଗ ନେଇଥିଲା । ମନ୍ତ୍ରୀ ଅଭିଭାଷଣରେ ଦେଶ ଗଠନ ଏବଂ ସମ୍ବିଧାନ ପ୍ରଣୟନରେ ସଂଗ୍ରାମୀମାନଙ୍କର ଭୂମିକା ସମ୍ପର୍କରେ ମତ ରଖିବା ସହ ନୟାଗଡର ବରପୁରୁଷଙ୍କ ସ୍ମୃତିଚାରଣ କରିଥିଲେ । ଆଗାମୀ ଦିନରେ ଉତ୍କର୍ଷ ଭାରତ ଗଠନ ପାଇଁ ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ମତ ରଖିଥିଲେ ମନ୍ତ୍ରୀ । ଶେଷରେ ଛାତ୍ରଛାତ୍ରୀମାନେ ଦେଶାତ୍ମବୋଧକ ଗିତରେ ଚିତାକର୍ଷକ ନୃତ୍ଯ ପରିବେଷଣ କରିଥିଲେ ।
