ଓଡ଼ିଶା ଲେଖା ଅଫିସ୍: ସକାଳର ବଡ ଖବର । ହୁତୁହୁତୁ ହୋଇ ଜଳିଗଲା ଆମ ବସ୍ । ଏଭଳି ଅଘଟଣ ଦେଖିବାକୁ ମିଳିଛି ଭୁବନେଶ୍ବର କଳିଙ୍ଗ ଷ୍ଟୁଡ଼ିଓ ଛକ ନିକଟରେ । ଯାତ୍ରୀ ମାନେ ନିଆଁକୁ ଦେଖି ବସରୁ ଓହ୍ଲାଇ ପଡ଼ିଥିଲେ । ସୂଚନାନୁସାରେ, ରାଜ୍ୟ ସରକାରଙ୍କ ପକ୍ଷରୁ ଭୁବନେଶ୍ବରରେ ଆମ ବସ୍ ଚାଲୁଥିବା ବେଳେ ଆଜି ସକାଳୁ ସକାଳୁ ବସ୍ ଟି ଷ୍ଟୁଡ଼ିଓ ଛକ ଦେଇ ସମ ହସ୍ପିଟାଲ ଅଭିମୁଖେ ଯାଉଥିଲା । ତେବେ ଷ୍ଟୁଡ଼ିଓ ଛକ ନିକଟରେ ବସ ଟି ହଠାତ୍ ଜଳିବାକୁ ଲାଗିଲା । ସକାଳୁ ବସ୍ ରେ ପ୍ରାୟ ଯାତ୍ରୀ ନଥିବା ବେଳେ କମ ସଂଖ୍ୟକ ଯାତ୍ରୀ ଓହ୍ଲାଇ ପଡ଼ିଥିଲେ । ବସ୍ ଟି ଚାହୁଁ ଚାହୁଁ ହୁତୁହୂତୁ ହୋଇ ଜଳିବାକୁ ଲାଗିଛି । ଖବର ପାଇ ଅଗ୍ନିଶମ ବାହିନୀ ବସ ପାଖରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଜାରି ରଖିଛି । ସକାଳୁ ବସ୍ ଟି ହଠାତ୍ ଜଳିଯିବା ଘଟଣା ସମସ୍ତଙ୍କୁ ଚକିତ କରିଥିବା ବେଳେ କେମିତି ଓ କାହିଁକି ବସ୍ ଟି ଜଳିଗଲା କାରଣ ଖୋଜା ଚାଲିଛି ।
