ଆଇଆଇସି ସ୍ତରରେ ବଦଳି କଲେ ଆରକ୍ଷୀ ଅଧିକ୍ଷକ:ନୟାଗଡ଼ ଟାଉନ୍ ଥାନାକୁ ୨ଜଣ ଓ ରଣପୁର ଥାନାରେ ଜଣେ ଅତିରିକ୍ତ ଆଇଆଇସି ନିଯୁକ୍ତ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲାରେ ଥିବା ବିଭିନ୍ନ ଥାନାର ଆଇଆଇସି ସ୍ତରରେ ବଡ଼ ଧରଣର ବଦଳି କରିଛନ୍ତି ନୟାଗଡ଼ ଆରକ୍ଷୀ ଅଧିକ୍ଷକ ଏସ ସୁଶ୍ରୀ । ପ୍ରାୟତଃ ଥାନାରେ ଇନ୍ସପେକ୍ଟର ପାହ୍ୟାକୁ ପଦୋନ୍ନତି ପାଇଥିବା ଆଇଆଇସି ମାନଙ୍କୁ ଦାୟୀତ୍ଵ ଦେଇଛନ୍ତି ନୟାଗଡ ଆରକ୍ଷୀ ଅଧିକ୍ଷକ । ତେବେ ନୟାଗଡ଼ ଟାଉନ୍ ଥାନାରେ ଆଇଆଇସି ରଶ୍ମୀରଂଜନ ପ୍ରଧାନ ଥିବା ବେଳେ ଦୁଇ ଜଣ ଅତିରିକ୍ତ ଆଇଆଇସିଙ୍କୁ ନିଯୁକ୍ତ କରାଯାଇଛି । ଦୁଇ ଅତିରିକ୍ତ ଆଇଆଇସି ହେଲେ ଫଟେଗଡ ଥାନାର କାର୍ଯ୍ୟରତ ଆଇଆଇସି ପଞ୍ଚାନନ ପରିଡ଼ା ଓ ପୋଲିସ ମୁଖ୍ୟାଳୟରେ ଥିବା ଆଇଆଇସି ଲିଜା ମଲ୍ଲିକଙ୍କୁ ନୟାଗଡ଼ ଟାଉନ୍ ଥାନାରେ ନିଯୁକ୍ତ କରାଯାଇଛି । ସେହିପରି ପୋଲିସ ମୁଖ୍ୟାଳୟରେ କାର୍ଯ୍ୟରତ ଆଇଆଇସି ପ୍ରିୟତମା ପ୍ରଧାନଙ୍କୁ ନୟାଗଡ ସଦର ଥାନାରେ ନିଯୁକ୍ତ କରାଯାଇଥିବା ବେଳେ ସଦର ଥାନାର ଆଇଆଇସି ଶରତ କୁମାର ସେଠୀଙ୍କୁ ପୋଲିସ ମୁଖ୍ୟାଳୟକୁ ବଦଳି କରାଯାଇଛି । ନୟାଗଡ଼ ପୋଲିସ ମୁଖ୍ୟାଳୟର ଆଇଆଇସି କୃତିବାସ ହରିଚନ୍ଦନଙ୍କୁ ଖଣ୍ଡପଡା ଥାନାକୁ, ଆଇଆଇସି ଅଜୟ ସାହୁଙ୍କୁ ଫତେଗଡ଼ ଥାନାକୁ , ଟଙ୍କଧର ଛତ୍ରିଆଙ୍କୁ ଗଣିଆ ଥାନାକୁ, ସତ୍ୟନାରାୟଣ ବାରିକଙ୍କୁ ଓଡ଼ଗାଁ ଥାନାକୁ ଆଇଆଇସି ଭାବେ ବଦଳି କରାଯାଇଥିବା ବେଳେ ସଂଘମିତ୍ରା ଚାନ୍ଦଙ୍କୁ ରଣପୁର ଥାନାର ଅତିରିକ୍ତ ଆଇଆଇସି ଭାବେ ନିଯୁକ୍ତ କରାଯାଇଛି । ଏବଂ ଗଣିଆ ଥାନାର କାର୍ଯ୍ୟରତ ଆଇଆଇସି ଲକ୍ଷ୍ମଣ ଦଣ୍ଡସେନାଙ୍କୁ ଆଇୟୁସିଏଡବ୍ଲ୍ୟୁ ବିଭାଗର ଦାୟୀତ୍ଵ ଦିଆଯାଇଛି । ଓଡ଼ଗାଁ ଆଇଆଇସି ଅଭୟ ବେହେରାଙ୍କୁ ଚାନ୍ଦପୁର ଥାନାକୁ ବଦଳି କରାଯାଇଛି। ଏବଂ ଚାନ୍ଦପୁର ଥାନାରେ କାର୍ଯ୍ୟରତ ଆଇଆଇସି ଦିଲ୍ଲୀପ କୁମାର ସ୍ବାଇଁ ଓ ଆଇୟୁସିଏଡବ୍ଲ୍ୟୁରେ କାର୍ଯ୍ୟରତ ଆଇଆଇସି ପରମାନନ୍ଦ ଦଳାଇଙ୍କୁ ସାଇବର ସେଲ୍ କୁ ବଦଳି କରାଯାଇଛି  । ଆଇଆଇସି ମିନତୀ କୁମାରୀ ନାୟକଙ୍କୁ ମହିଳା ସେଲ୍ କୁ ବଦଳି କରାଯାଇଛି । ଆଇଆଇସି ମାନଙ୍କୁ ବଦଳି କରାଯାଇଥିବା ଜାଗାରେ ତୁରନ୍ତ ଯାଇ ଯୋଗ ଦେଇ କାର୍ଯ୍ୟଭାର ଗ୍ରହଣ କରିବାକୁ ଜିଲ୍ଲା ଆରକ୍ଷୀ ଅଧିକ୍ଷକ ଏସ ସୁଶ୍ରୀ ନିର୍ଦ୍ଦେଶ ଦେଇଥିବା ନେଇ ପୋଲିସ ମୁଖ୍ୟାଳୟ ପକ୍ଷରୁ ସୂଚନା ମିଳିଛି ।