ନୟାଗଡ଼, (ଓଡ଼ିଶା ଲେଖା): ନୟାଗଡ ଜିଲ୍ଲାପାଳଙ୍କ କାର୍ଯ୍ୟାଳୟର ସଦଭାବନା ସଭାଗୃହରେ ଆଞ୍ଚଳିକ ପରିବହନ ପ୍ରାଧିକରଣ ନୟାଗଡଙ୍କ ଅନୁକୁଲ୍ୟରେ ଜିଲ୍ଲା ସଡ଼କ ସୁରକ୍ଷା ବୈଠକ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଏହି ବୈଠକ ରେ ଡେପୁଟି କଲେକ୍ଟର ତପତି ରାଜ୍ ଙ୍କ ଅଧ୍ୟକ୍ଷତା କରି ଦୁର୍ଘଟଣାର କାରଣ ଗୁଡ଼ିକ ଉପରେ ଗୁରୁତ୍ୱାରୋପ କରି ତାହାର ନିରାକରଣ ନିମନ୍ତେ ପଦକ୍ଷେପ ନେବା ପାଈ ଉପସ୍ଥିତ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ। ସେ ମାସର ପ୍ରତି ସପ୍ତାହରେ ଆରଟିଓ, ପୋଲିସ ଏବଂ ପୌରପାଳିକା ବିଭାଗ ମିଳିତ ସହଯୋଗ ରେ ମିଳିତ ଭାବେ ଚେକିଂ କରାଯିବା ନେଇ ସ୍ୱତନ୍ତ୍ର ଟିମ୍ ଗଠନ କରିବା ନିମନ୍ତେ ପରାମର୍ଶ ଦେଇ ଥିଲେ। ନୟାଗଡ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରୁ ସରକାରୀ ହସ୍ପିଟାଲ୍ ଯାଏ ବସ ପାର୍କିଂ ନ କରିବା ପାଇଁ କଡ଼ା ନିର୍ଦ୍ଦେଶ ଦେଇଥିଲେ। ଦୁର୍ଘଟଣା ପ୍ରବଣ ଅଞ୍ଚଳ ମାନଙ୍କରେ ଆଲୋକ ବ୍ୟବସ୍ଥା ସୃଦୁଢ଼ କରିବା ନିମନ୍ତେ ପରାମର୍ଶ ଦେଇଥିଲେ। ବୈଠକରେ ନୟାଗଡ ପୌରପାଳିକା ବିଭାଗର କାର୍ଯ ନିର୍ବାହୀ ଅଧିକାରୀ ସ୍ନେହଲତା ଆଚାର୍ଯ୍ୟ ଯୋଗ ଦେଇ ଖଣ୍ଡପଡ଼ା ରୋଡ ଠାରେ ଟ୍ରକ ମାନଙ୍କ ଅବୈଧ ପାର୍କିଂ ଦ୍ୱାରା ସାଧାରଣ ଜନତା କିପରି ଅସୁବିଧାର ସମ୍ମୁଖୀନ ହେଉଛନ୍ତି ତାହା ଗୁରୁତ୍ୱାରୋପ କରିଥିଲେ।
ପୌରାଞ୍ଚଳ ରେ ଟ୍ରାଫିକ ସମସ୍ୟା ଏଡାଇବାକୁ ବୁଲା ଗୋରୁ ମାନଙ୍କ ପାଇ ନିକଟ ଭବିଷ୍ୟତ ରେ ଗୋଶାଳା ନିର୍ମାଣ ପାଇଁ ପ୍ରତିଶ୍ରୁତି ଦେଇଥିଲେ। ଏହି ସଭାରେ ଡି.ଏସ୍. ପି ସୁକାନ୍ତ କୁମାର ପାତ୍ର ବିଦ୍ୟାଳୟ ର ଛାତ୍ର ଛାତ୍ରୀ ମାନଙ୍କ ମଧ୍ୟରେ ସଚେତନତା ଅଭିଯାନ କରିବା ପାଇଁ ଜିଲ୍ଲା ଶିକ୍ଷାଧିକାରୀ ଙ୍କୁ ନିର୍ଦେଶ ଦେଇଥିଲେ। ତତ୍ ସହିତ ଜିଲ୍ଲା ର ସମସ୍ତ ସରକାରୀ, ବେସରକାରୀ ଏବଂ କୋଚିଙ୍ଗ ସେଣ୍ଟର ଗୁଡ଼ିକୁ ୧୮ରୁ କମ୍ ବୟସ ର ଛାତ୍ରଛାତ୍ରୀ ମାନେ ଯେପରି ଗାଡ଼ି ବ୍ୟବହାର ନ କରିବେ ସେଥି ପ୍ରତି ଧ୍ୟାନ ଦେବାପାଇଁ କହିଥିଲେ। ସେ ଟ୍ରାଫିକ ଯାଞ୍ଚ୍ କୁ ଆହୁରି କଡ଼ା କଡି କରିବା ନିମନ୍ତେ body wearing camera ସହ speed gun ଯୋଗାଇ ଦେବା ନିମନ୍ତେ RTO ଙ୍କୁ ପରାମର୍ଶ ଦେଇଥିଲେ। ଜିଲ୍ଲା ସଡ଼କ ସୁରକ୍ଷା କମିଟି ର ସମସ୍ତ ସଦସ୍ୟ, ଜିଲ୍ଲା ଅଧିକାରୀ ବୃନ୍ଦ, ଘରୋଇ ବସ ମାଲିକ ସଂଘ, ଟ୍ରକ ମାଲିକ ସଂଘ, ବରିଷ୍ଠ ନାଗରିକ ସଂଘ ଏବଂ ଅନ୍ୟାନ୍ୟ ସଦସ୍ୟ ବୃନ୍ଦ ଯୋଗ ଦାନ କରି ଥିଲେ। ଶେଷ ରେ ଆଞ୍ଚଳିକ ପରିବହନ ଅଧିକାରୀ ଶ୍ରୀଯୁକ୍ତ ନିର୍ମଳ ମହାନ୍ତି ଜାନୁଆରୀ ୧ ରୁ ୩୧ ପର୍ଯ୍ୟନ୍ତ ସଡ଼କ ସୁରକ୍ଷା ମାସ ରେ ସମସ୍ତ ବିଭାଗର ସହଯୋଗ ରେ ସଡକ ଦୁର୍ଘଟଣା ହ୍ରାସ କରି ହେବ ବୋଲି ମତ ବ୍ୟକ୍ତ କରି ଥିଲେ।
