ଓଡ଼ିଶା ଲେଖା ଅଫିସ୍: ଚଳିତ ଟି-୨୦ରେ ଭାରତ ର ଦମଦାର ବିଜୟ । ହାର୍ଦ୍ଦିକ ପାଣ୍ଡ୍ୟା ଓ ତିଲକ୍ ବର୍ମାଙ୍କ ଧୂଆଁଧାର ଅର୍ଦ୍ଧଶତକ ବଳରେ ଭାରତ ଦକ୍ଷିଣ ଆଫ୍ରିକା ଠାରୁ ୩-୧ ସିରିଜ୍ ହାତେଇ ନେଇଛି । ଟି-୨୦ ସିରିଜ୍ ୫ଟି ମ୍ୟାଚ୍ ଭିତରୁ ତୃତୀୟ ମ୍ୟାଚ୍ ସୁଦ୍ଧା ଭାରତ ୨ଟି ମ୍ୟାଚରେ ବିଜୟୀ ହୋଇଥିବା ବେଳେ ଦକ୍ଷିଣ ଆଫ୍ରିକା ଗୋଟିଏ ମ୍ୟାଚ୍ ବିଜୟୀ ହୋଇଥିଲା । ତେବେ ଚତୁର୍ଥ ମ୍ୟାଚ୍ ଟି ଘନ କୁହୁଡ଼ି ଯୋଗୁଁ ମ୍ୟାଚ୍ ବାତିଲ ହୋଇଥିବା ବେଳେ ଭାରତ ପଞ୍ଚମ ମ୍ୟାଚ୍ ରେ ସିରିଜ୍ କୁ ହାତେଇ ନେଇଛି । ସିରିଜ୍ ର ଅନ୍ତିମ ମ୍ୟାଚ୍ ରେ ଦକ୍ଷିଣ ଆଫ୍ରିକା ପ୍ରଥମେ ଟସ୍ ଜିତି ଫିଲଡିଂ କରିବାକୁ ନିଷ୍ପତ୍ତି ନେଇ ଭାରତକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା ।
ଭାରତର ଦୁଇ ଓପନର ଅଭିଷେକ ଶର୍ମା ଓ ସଞ୍ଜୁ ସାମସନ୍ ଦକ୍ଷିଣ ଆଫ୍ରିକା ବୋଲରଙ୍କୁ ନିର୍ଘାତ ପ୍ରହାର କରିଥିଲେ । ୬୧ରନ ଭାଗିଦାରୀରେ ଅଭିଷେକ ଶର୍ମା ଆଉଟ୍ ହେବା ପରେ ଦଳୀୟ ସ୍କୋର ୯୭ରନ ବେଳକୁ ସଞ୍ଜୁ ସାମସନ୍ ଆଉଟ୍ ହୋଇଥିଲେ । ତା’ ପରେ ତିଲକ ବର୍ମା ଓ ହାର୍ଦ୍ଦିକ ପାଣ୍ଡ୍ୟା ଧୁଆଁଧାର ବ୍ୟାଟିଂ ଅର୍ଦ୍ଧଶତକ ହାସଲ କରିଥିଲେ । ତିଲକ ବର୍ମା ୪୨ବଲରେ ୧୦ଟି ଚୌକା ଓ ଗୋଟିଏ ଛକା ସହାୟତାରେ ୭୩ରନ କରିଥିବା ବେଳେ ହାର୍ଦ୍ଦିକ ପାଣ୍ଡ୍ୟା ୨୫ ବଲରେ ୫ଟି ଚୌକା ଓ ୫ଟି ଛକା ସହାୟତାରେ ୬୩ରନ କରିଥିଲେ ।
ଭାରତ ନିର୍ଦ୍ଧାରିତ ୨୦ଓଭରରେ ୫ଟି ମୂଲ୍ୟବାନ ୱିକେଟ୍ ହରାଇ ୨୩୧ରନ କରିବାରେ ସହାୟକ ହୋଇଥିଲେ ।ଦକ୍ଷିଣ ଆଫ୍ରିକା ଲଢ଼େଇ କରି ୮ଟି ୱିକେଟ୍ ହରାଇ ୨୦୧ ରନରେ ପହଞ୍ଚି ପରାଜୟ ହାସଲ କରିଥିଲା । ଦଳ ପକ୍ଷରୁ ଡି କକ୍ ୩ଟି ଛକା ଓ ୯ଟି ଚୌକା ସହାୟତାରେ ୬୫ରନ୍ କରିଥିବା ବେଳେ ବ୍ରେଭିସ ୩୧ରନ ଓ ଲିଣ୍ଡସ୍ ୧୬ରନ କରିଥିଲେ।
ଭାରତ ପକ୍ଷରୁ ବରୁନ ଚକ୍ରବର୍ତ୍ତୀ ୪ଟି ୱିକେଟ୍ ନେଇଥିବା ବେଳେ ଜସ୍ପ୍ରିତ୍ ବୁମରାହା ୨ଟି ୱିକେଟ୍, ଆଶ୍ରିଦିପ ସିଂ ଓ ହାର୍ଦ୍ଦିକ ପାଣ୍ଡ୍ୟା ଗୋଟିଏ ଲେଖାଏଁ ୱିକେଟ୍ ନେଇଥିଲେ । ଟି-୨୦ ସିରିଜ୍ ରେ ହାର୍ଦ୍ଦିକ ପାଣ୍ଡ୍ୟାଙ୍କୁ ମ୍ୟାନ ଅଫ ଦି ମ୍ୟାଚ୍ ବିବେଚିତ କରାଯାଇଥିବା ବେଳେ ବରୁନ ଚକ୍ରବର୍ତ୍ତୀଙ୍କୁ ମ୍ୟାନ୍ ଅଫ୍ ଦ ସିରିଜ୍ ବିବେଚିତ କରାଯାଇ ପୁରସ୍କୃତ କରାଯାଇଛି।
