ଓଡ଼ିଶା ଲେଖା ଅଫିସ୍: କଟକ ବାରବାଟୀ ଷ୍ଟାଡୟମରେ ଦକ୍ଷିଣ ଆଫ୍ରିକା ବିପକ୍ଷରେ ଭାରତ ଦମଦାର୍ ବିଜୟ ହାସଲ କରିଛି ।ଓଡ଼ିଶା ମାଟିରେ ମାଟି କାମୁଡି ପଡ଼ିଲା ଦକ୍ଷିଣ ଆଫ୍ରିକା । ମାତ୍ର ୧୨.୩ ବଲରେ ଅଲ୍ ଆଉଟ୍ ହୋଇ ପରାଜୟ ବରଣ କରିଛି ।ଦକ୍ଷିଣ ଆଫ୍ରିକା ଓ ଭାରତ ଟି-୨୦ ସିରିଜ ର ପ୍ରଥମ ମ୍ୟାଚ୍ ଓଡ଼ିଶା କଟକ ବାରବାଟୀ ଷ୍ଟାଡୟମରେ ଅନୁଷ୍ଠିତ ହୋଇଯାଇଛି । ଦକ୍ଷିଣ ଆଫ୍ରିକା ପ୍ରଥମେ ଟଚ୍ ଜିତି ଭାରତୀୟ ଦଳକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା । ଭାରତୀୟ ଦଳ ନିର୍ଦ୍ଧାରିତ ୨୦ ଓଭରରେ ୬ଟି ମୂଲ୍ୟବାନ ୱିକେଟ୍ ହରାଇ ୧୭୫ରନ କରିବାରେ ସକ୍ଷମ ହୋଇଥିଲା ।
ଦଳ ପକ୍ଷରୁ ହାର୍ଦ୍ଦିକ ପାଣ୍ଡ୍ୟା ୨୮ ବଲରେ ଧୁଆଁଧାର ବ୍ୟାଟିଂ କରି ୪ଟି ଛକା ଓ ୬ଟି ଚୌକା ସହାୟତାରେ ୫୯ରନ କରି ଅପରାଜିତ ଥିବା ବେଳେ ତିଲକ ବର୍ମା ୨୬ରନ, ଅକ୍ଷର ପଟେଲ୍ ୨୩ରନ କରିଥିଲେ । ଏବଂ ଦକ୍ଷିଣ ଆଫ୍ରିକା ଦଳ ପକ୍ଷରୁ ଏଲ୍ ନିଗିଡ଼ି ସର୍ବାଧିକ ୩ଟି ୱିକେଟ୍ ହାସଲ କରିଥିଲେ । ଦକ୍ଷିଣ ଆଫ୍ରିକା ୧୭୬ରନର ବିଜୟ ଲକ୍ଷ ନେଇ ପଡ଼ିଆକୁ ଓହ୍ଲାଇଥିଲା । ତେବେ ଭାରତୀୟ ବୋଲରଙ୍କ ଘାତକ ବୋଲିଂ କୁ ସମ୍ମୁଖିନ କରି ନପାରି ମାତ୍ର ୧୨.୩ ଓଭରରେ ସମସ୍ତ ୱିକେଟ୍ ହରାଇ ମାତ୍ର ୭୪ରନ କରି ଭାରତ ଠାରୁ ୧୦୧ ରନରେ ପରାଜୟ ହୋଇଛି ଦକ୍ଷିଣ ଆଫ୍ରିକା ।
ଦକ୍ଷିଣ ଆଫ୍ରିକା ଦଳର ଡି ବ୍ରେଭିସ୍ ୧୪ବଲରେ ଗୋଟିଏ ଛକା ଓ ୩ଟି ଚୌକା ସହାୟତାରେ ଦଳ ପକ୍ଷରୁ ସର୍ବାଧିକ ୨୨ରନ କରିଥିବା ବେଳେ ଭାରତର ଆର୍ଶିଦିପ ସିଂ, ବୁମରହା, ବରୁଣ ଓ ଅକ୍ଷର ପଟେଲ୍ ୨ଟି ଲେଖାଏଁ ୱିକେଟ୍ ନେଇଥିବା ବେଳେ ପାଣ୍ଡ୍ୟା ଓ ଦୂବେ ଗୋଟିଏ ଲେଖାଏଁ ୱିକେଟ୍ ନେଇ ଦକ୍ଷିଣ ଆଫ୍ରିକାକୁ ୧୦୧ରନରେ ପରାସ୍ତ କରିଥିଲେ । ହାର୍ଦ୍ଦିକ ପାଣ୍ଡ୍ୟା ଏହି ମ୍ୟାଚ୍ ରେ ମ୍ୟାନ ଅଫ ଦି ମ୍ୟାଚ୍ ବିବେଜିତ୍ ହୋଇଥିଲେ ।ଓଡ଼ିଶା ମାଟିରେ ଭାରତର ଦମଦାର୍ ବିଜୟକୁ କ୍ରିକେଟ୍ ପ୍ରେମୀମାନେ ମନଭରି ଉପଭୋଗ କରିଥିଲେ ।
