ଓଡ଼ିଶା ଲେଖା ଅଫିସ୍: ଏସଆଇ ନିଯୁକ୍ତି ପରୀକ୍ଷା କେଳେଙ୍କାରୀର ମାଷ୍ଟର ମାଇଣ୍ଡଙ୍କୁ ଗରଫ କରିଛି କ୍ରାଇମବ୍ରାଞ୍ଚ ।ଗତ କାଲି ଅପରାହ୍ନରେ ଗିରଫ କରିବା ପରେ ନେପାଳରୁ ଓଡ଼ିଶା ଆଣୁଛି କ୍ରାଇମବ୍ରାଞ୍ଚ୍ । ପୁଲିସ ଏସ୍ଆଇ କେଳେଙ୍କାରୀ ଘଟଣାର ମାଷ୍ଟରମାଇଣ୍ଡ ତଥା ପଞ୍ଚସଫ୍ଟ ଟେକ୍ନୋଲୋଜିର ମାଲିକ ଗଞ୍ଜାମ ଜିଲ୍ଲାର ଶଙ୍କର ପୃଷ୍ଟି ଗିରଫ ହୋଇଛି । ନେପାଳ ସୀମାରୁ କ୍ରାଇମବ୍ରାଞ୍ଚ ଶଙ୍କରକୁ ଗିରଫ କରିଛି। କ୍ରାଇମବ୍ରାଞ୍ଚ ଟିମ୍ ଗାଜିଆବାଦରେ ଥିବା ଶଙ୍କରର ଘରେ ପୂର୍ବରୁ ଚଢ଼ଉ କରିଥିବା ବେଳେ ସେ ସେଠାରୁ ନେପାଳ ଫେରାର ହୋଇ ଯାଇଥିଲା। ଗାଜିଆବାଦ ଘରେ ସ୍ତ୍ରୀ ଓ ପିଲାଙ୍କୁ ରଖିଥିଲା । ନେପାଳରୁ ସେ ଉତ୍ତରାଖଣ୍ଡର ଚମ୍ପାବତକୁ ଆସି ଜାମିନ ପାଇଁ ଜଣେ ଓକିଲଙ୍କ ସହ ଯୋଗାଯୋଗ କରିଥିଲା । ଡିଏସ୍ପି ଅନିଲା ଆନନ୍ଦଙ୍କ ନେତୃତ୍ବରେ ଦିଲ୍ଲୀରେ ଡେରା ପକାଇଥିବା କ୍ରାଇମବ୍ରାଞ୍ଚର ଏକ ଚାରିଜଣିଆ ଟିମ୍ ଏ ସଂପର୍କରେ ସୂଚନା ପାଇ ଚଢ଼ଉ କରିବା ସହିତ ତାକୁ ନେପାଳ ସୀମାରୁ କାବୁ କରିଥିଲେ। ଶଙ୍କର ନିକଟରୁ ଦୁଇଟି ମୋବାଇଲ୍ ଫୋନ ଓ ଗୁରୁତ୍ବପୂର୍ଣ୍ଣ କାଗଜପତ୍ର ଜବତ ହୋଇଥିବା ବେଳେ ଗାଜିଆବାଦରୁ ଗୋଟିଏ ଫର୍ଚୁନର୍ ଗାଡ଼ି ଜବତ କରାଯାଇଛି ।ସେଠାରେ ଶଙ୍କରର ପତ୍ନୀ ଓ ପିଲାଙ୍କୁ କ୍ରାଇମବ୍ରାଞ୍ଚ ଟିମ୍ ଜେରା କରୁଥିବା ବେଳେ ଅନ୍ୟ ଏକ ଟିମ୍ ଶଙ୍କରକୁ ଧରି ଓଡ଼ିଶା ଆସୁଛନ୍ତି । ଓଡ଼ିଶା ପୁଲିସ ନିଯୁକ୍ତି ବୋର୍ଡ (ଓପିଆରବି) ଦ୍ବାରା ପ୍ରସ୍ତୁତ ପୁଲିସ ଏସ୍ଆଇ କେଳେଙ୍କାରୀ ଘଟଣାରେ କ୍ରାଇମବ୍ରାଞ୍ଚ ବର୍ତ୍ତମାନ ସୁଦ୍ଧା ୧୨୪ ଜଣଙ୍କୁ ଗିରଫ କରିସାରିଲାଣି । ତେବେ ଶଙ୍କର ପୃଷ୍ଟି ଗିରଫ ହେବା ଖବର ପ୍ରସାରିତ ହେବା ପରେ ଶଙ୍କର ପୃଷ୍ଟି ସହିତ ଜଡ଼ିତ ଥିବା ନେତା ଓ ଅଫିସରଙ୍କ ଛାତି ଧଡ଼ଧଡ୍ ହେବା ଆରମ୍ଭ ହେଲାଣି । ଶଙ୍କର ପୃଷ୍ଟିର ସହଯୋଗୀ ଦଶପଲ୍ଲା ଅଞ୍ଚଳରୁ ଗିରଫ ହେବା ଓ ଏସଆଇ ନିଯୁକ୍ତି ପରୀକ୍ଷାରେ କେଳେଙ୍କାରୀ ମାନଙ୍କୁ ସହଯୋଗ କରୁଥିବା ନୟାଗଡ଼ ଜିଲ୍ଲାର ଗିରଫ ହୋଇଥିବା ବ୍ୟକ୍ତି ମାନଙ୍କ ଅଞ୍ଚଳକୁ ପୁଣି ଥରେ ସିବିଆଇ ପସି ଛାନଭିନ କରିପାରେ । ଏମିତିକି ଖଣ୍ଡପଡାର ଜଣେ କାଉନସିଲର ଗିରଫ ହୋଇଥିବା ବେଳେ ଖଣ୍ଡପଡ଼ା ର କୋଉ ନେତାଙ୍କ ହାତ ଥିଲା ତାହାକୁ ସିବିଆଇ ଟିମ ତଦନ୍ତ ପରିସର ଭୁକ୍ତ କରିପାରେ ବୋଲି ଆଲୋଚନା ହେଉଛି ।
ଏସଆଇ ନିଯୁକ୍ତି ପରୀକ୍ଷା କେଳେଙ୍କାରୀ:ନେପାଳ ସୀମାରୁ ଶଙ୍କର ପୃଷ୍ଟି ଗିରଫ:ଓଡ଼ିଶା ପହଞ୍ଚିଲା ମାଷ୍ଟର ମାଇଣ୍ଡ
