ଓଡ଼ିଶା ଲେଖା ଅଫିସ୍: ରାଜ୍ୟ ସରକାରଙ୍କ ଗୃହ ବିଭାଗ ତରଫରୁ ଓପିଏସ୍ ସ୍ତରରେ ଅଦଳବଦଳକୁ ନେଇ ଅକ୍ଟୋବର ମାସ ୮ତାରିଖରେ ଏକ ବିଜ୍ଞପ୍ତି ପ୍ରକାଶ ପାଇଥିଲା । ଯେଉଁଥିରେ କି ସାମାନ୍ୟ ପରିବର୍ତ୍ତନ କରାଯାଇଥିବା ନେଇ ପୁଣି ଏକ ବିଜ୍ଞପ୍ତି ଅକ୍ଟୋବର ୧୪ତାରିଖରେ ପ୍ରକାଶ ପାଇଛି । ତେବେ ୬ଦିନ ଭିତରେ ଗୃହ ବିଭାଗରେ ଏମିତି କଣ ଘଟିଲା ଯେ, ପୁଣି ଏକ ବିଜ୍ଞପ୍ତି ପ୍ରକାଶ କଲା ରାଜ୍ୟ ସରକାରଙ୍କ ଗୃହ ବିଭାଗ । ସୂଚନାନୁସାରେ, ରାଜ୍ୟରେ ଡବଲ ଇଞ୍ଜିନ ସରକାର ଗଢିବାର ୧୫ମାସ ଭିତରେ ସରକାରୀ କର୍ମଚାରୀ ମାନଙ୍କର ବଦଳ ବଦଳ କରାଯାଉଥିବା ନେଇ ବିଜ୍ଞପ୍ତି ପ୍ରକାଶ କରାଯାଉଛି ଏବଂ ପରବର୍ତ୍ତୀ ସମୟରେ ପୁଣି ପରିବର୍ତନ କରାଯାଉଥିବା ଦେଖିବାକୁ ମିଳୁଛି । ଏ ଯେମିତି, ଚଳିତ ମାସ ୮ତାରିଖରେ ରାଜ୍ୟ ସରକାରଙ୍କ ଗୃହ ବିଭାଗ ତରଫରୁ ଓପିଏସ୍ ସ୍ତରରେ ଅଦଳବଦଳ କରଯାଇଥିଲା ।
ଚିଠି ନଂ ୪୨୦୦୫ ବିଜ୍ଞପ୍ତିରେ ୧୯ଜଣ ଓପିଏସଙ୍କୁ ବିଭିନ୍ନ ଜିଲ୍ଲା ଓ କମିଶନରେଟ ପୋଲିସକୁ ଅଦଳ ବଦଳ କରଯାଇଥିଲା । ତେବେ ଅଦଳ ବଦଳ ୭ଦିନ ହେଇନି ଅର୍ଥାତ ଅକ୍ଟୋବର ୧୦ ତାରିଖରେ ଚିଠି ନଂ ୪୨୭୩୨ ବିଜ୍ଞପ୍ତିରେ ମାତ୍ର ୨ଜଣ ଓପିଏସ୍ ଅଧିକାରୀଙ୍କ ବଦଳି କରାଯାଇଛି । ଅକ୍ଟୋବର ୮ରେ ପ୍ରକାଶ ପାଇଥିବା ବିଜ୍ଞପ୍ତିରେ ବ୍ରହ୍ମପୁର ଅତିରିକ୍ତ ଆରକ୍ଷୀ ଅଧିକ୍ଷକଙ୍କୁ ସୀମା ସ୍ଵାଇଁଙ୍କୁ ତାଳଚେର ବଦଳି କରାଯାଇଥିଲା ତେବେ ଏମିତି କଣ ହେଲା କେଜାଣି, ନା କାହା ଚାପ ପଡ଼ିଲା ତାଙ୍କୁ ପୁଣି ଅକ୍ଟୋବର ୧୪ରେ ପ୍ରକାଶ ପାଇଥିବା ବିଜ୍ଞପ୍ତିରେ ତାଳଚେର ବଦଳି କ୍ୟାନସଲ୍ କରି ଗଞ୍ଜାମ ଅତିରିକ୍ତ ଆରକ୍ଷୀ ଅଧିକ୍ଷକ ଭାବେ ନିଯୁକ୍ତ କରାଯାଇଛି । ସେହିପରି ଗଞ୍ଜାମରେ କାର୍ଯ୍ୟରତ ଅତିରିକ୍ତ ଆରକ୍ଷୀ ଅଧୀକ୍ଷକ ରଞ୍ଜିତ କୁମାର ପୃଷ୍ଟିଙ୍କୁ ଭୁବନେଶ୍ଵର-କଟକ କମିଶନରେଟ ପୋଲିସକୁ ବଦଳି କରାଯାଇଥିବା ନେଇ ବିଜ୍ଞପ୍ତି ପ୍ରକାଶ ପାଇଛି ।
