ନୟାଗଡ଼, (ଓଡ଼ିଶା ଲେଖା): ନୂଆ କରି ପଦୋନ୍ନତୀ ପାଇଥିବା ଏସଆଇ ଆଜି ନୟାଗଡ ଆରକ୍ଷୀ ଅଧିକ୍ଷକଙ୍କୁ ସାକ୍ଷାତ କରିଥିବା ଜଣାପଡ଼ିଛି । ରାଜ୍ୟ ସରକାର ଦୁଇ ଦିନ ତଳେ ୪୨୭ ଜଣ ଏସ୍ଆଇଙ୍କୁ ଆଇଆଇସି ପଦକୁ ପଦୋନ୍ନତୀ କରିଛନ୍ତି । ଏହି ପଦୋନ୍ନତୀ ତାଲିକାରେ ୪୨୭ଜଣଙ୍କ ମଧ୍ୟରୁ ନୟାଗଡ଼ ଜିଲ୍ଲାରେ କାର୍ଯ୍ୟରତ ୧୧ ଜଣ ଏସ୍ଆଇ ପଦୋନ୍ନତୀ ପାଇଛନ୍ତି । ନୟାଗଡ଼ ଜିଲ୍ଲା ଚାନ୍ଦପୁର ଥାନାରେ କାର୍ଯ୍ୟରତ ଏସ୍ଆଇ ସଞ୍ଜୟ କୁମାର ପରିଡ଼ା, କାର୍ଯ୍ୟରତ ଏସ୍ଆଇ ଶ୍ରଦ୍ଧା ନାୟକ, ରଣପୁର ଥାନା ଦର୍ପନାରାୟଣପୁର ଫାଣ୍ଡିରେ କାର୍ଯ୍ୟରତ ଏସ୍ଆଇ ଧର୍ମେନ୍ଦ୍ର ଶିଆଳ, ରାଜସୁନାଖଳା ଫାଣ୍ଡିରେ କାର୍ଯ୍ୟରତ ଏସ୍ଆଇ ପ୍ରୀତିପ୍ରକାଶ ମହାନ୍ତି, ରଣପୁର ଥାନାରେ କାର୍ଯ୍ୟରତ ଏସ୍ଆଇ ସ୍ନେହଲତା ପ୍ରଧାନ,ରଣପୁର ଥାନାରେ କାର୍ଯ୍ୟରତ କୃତ୍ତିବାସ ହରିଚନ୍ଦନ, ନୟାଗଡ଼ ଟାଉନଥାନାରେ କାର୍ଯ୍ୟରତ ଏସ୍ଆଇ ଶିବା ରଞ୍ଜନ ସିଙ୍ଗା, ଟାଉନଥାନାରେ କାର୍ଯ୍ୟରତ ଏସ୍ଆଇ ସନ୍ତୋଷ କୁମାର ଦାଶ, ନୟାଗଡ଼ ଦଶପଲ୍ଲା ଥାନା ଭାରପ୍ରାପ୍ତ ଅଧିକାରୀ ତଥା ଏସ୍ଆଇ ବିନୟ ରଞ୍ଜନ ପରିଡ଼ା, ନୂଆଗାଁ ଥାନା ମହୀପୁର ଫାଣ୍ଡିରେ କାର୍ଯ୍ୟରତ ଏସ୍ଆଇ ବିରଞ୍ଚି ନାରାୟଣ ଅମାତ, ଖଣ୍ଡପଡ଼ା ଥାନାରେ କାର୍ଯ୍ୟରତ ଏସ୍ଆଇ ଗୋପବନ୍ଧୁ ମଲ୍ଲିକ ପ୍ରମୂଖ ଆଇଆଇସି ପଦକୁ ପଦୋନ୍ନତୀ ମିଳିଥିବା ସୂଚନା ମିଳିଛି । ନୂଆ କରି ପଦୋନ୍ନତୀ ପାଇଥିବା ୧୧ଜଣ ପୁଲିସ ଅଧିକାରୀ ନୟାଗଡ଼ ଜିଲ୍ଲା ଆରକ୍ଷୀ ଅଧିକ୍ଷକ ଏସ୍ ସୁଶ୍ରୀଙ୍କୁ ସୌଜନ୍ୟ ମୂଳକ ସାକ୍ଷାତ କରିଛନ୍ତି ।
ଜିଲ୍ଲା ଆରକ୍ଷୀ ଅଧିକ୍ଷକଙ୍କୁ ଭେଟିଲେ ନବ ପଦୋନ୍ନତୀ ଏସଆଇ
