ନୟାଗଡ଼, (ଓଡ଼ିଶା ଲେଖା): ନୟାଗଡ ପୌର ପରିଷଦ ଅନ୍ତର୍ଗତ ୧୧ନମ୍ୱର ୱାର୍ଡ଼ର ସମୀକ୍ଷା ବୈଠକ ବାରମାସୀ ଦଣ୍ଡା କଲ୍ୟାଣ ମଣ୍ଡପ ପରିସରରେ ଅନଷ୍ଠିତ ହୋଇଯାଇଛି। ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁଙ୍କ ପରାମର୍ଶ କ୍ରମେ ୧୧ନମ୍ୱର କାଉନସିଲର ଅକ୍ଷୟ କୁମାର ବିଶ୍ବାଳଙ୍କ ସଭାପତିତ୍ଵରେ ଆୟୋଜିତ ସମୀକ୍ଷା ବୈଠକରେ ୧୧ନମ୍ୱର ୱାର୍ଡ଼ରେ ଥିବା ସମସ୍ତ କଲୋନୀର ମୁଖିଆ ମାନେ ସାମିଲ ହୋଇଥିଲେ । ଉକ୍ତ ବୈଠକରେ ଯାହାର ଯେଉଁ କଲୋନୀରେ ସମସ୍ୟା ଅଛି ସେ, ସଂପର୍କରେ ଆଲୋଚନା କରିଥିଲେ ।ବିକାଶ ଆମ ପାଇଁ ସାଧନା। ପ୍ରତିଟି ପାଦରେ ପ୍ରଗତିର ସଂକଳ୍ପ ନେଇ ଚାଲିଛୁ, ଚାଲୁଛୁ ଆଉ ଚାଲିଥିବୁ। ଶ୍ରେଷ୍ଠ ନୟାଗଡ଼ ଗଠନ ହିଁ ଆମରି ଲକ୍ଷ୍ୟ ଆଉ ପ୍ରତିବଦ୍ଧତା। ବାଟ ମଙ୍ଗଳା ମନ୍ଦିର ନିର୍ମାଣ ଏବଂ ପ୍ରତ୍ୟେକ ସାହିର ରାସ୍ତା ଘାଟର ଉନ୍ନତିକରଣ ବିଷୟରେ ଆଲୋଚନା କରାଯାଇଥିଲା । ପରିଶେଷରେ କାଉନସିଲର ଶ୍ରୀ ବିଶ୍ଵାଳ ଉପସ୍ଥିତ ଥିବା ସମସ୍ତ କଲୋନୀବାସୀଙ୍କୁ କୃତଜ୍ଞତା ଜଣାଇଥିଲେ ।
