ଏସଆଇ ସ୍ତରରେ ପଦୋନ୍ନତି:ରାଜ୍ୟର ୪୨୭ ଜଣଙ୍କୁ ଆଇଆଇସି ସ୍ତରକୁ ପଦୋନ୍ନତି, ନୟାଗଡ଼ ଜିଲ୍ଲାର ୧୧ଜଣଙ୍କୁ ପଦୋନ୍ନତି

ଓଡ଼ିଶା ଲେଖା ଅଫିସ୍: ରାଜ୍ୟ ସରକାର ଏସଆଇ ସ୍ତରରେ ବଡ଼ ପଦୋନ୍ନତି କରିଥିବା ଜଣାପଡ଼ିଛି । ରାଜ୍ୟରେ ଏକା ବେଳେ ୪୨୭ଜଣଙ୍କୁ ଉଚ୍ଚ ପଦବୀକୁ ପଦୋନ୍ନତି ମିଳିଛି । ରଜ୍ୟରେ ପୋଲିସ ସ୍ତରରେ ସ୍ଵତନ୍ତ୍ର ବୋର୍ଡ଼ ବୈଠକ ବସିଥିଲା । ଯେଉଁଥିରେ କି ଏକା ଥରକେ ଏସଆଇରୁ ପଦୋନ୍ନତି ଦିଆଯାଇ ଆଇଆଇସି କରାଯାଇଛି। ଏନେଇ ରାଜ୍ୟ ପୋଲିସ ମୁଖ୍ୟାଳୟ ତରଫରୁ ଶୁକ୍ରବାର ରାତିରେ ବିଜ୍ଞପ୍ତି ପ୍ରକାଶ ପାଇଛି । ରାଜ୍ୟ ପୋଲିସ ମୁଖ୍ୟାଳୟ ତରଫରୁ ମିଳିଥିବା ସୂଚନା ଅନୁସାରେ, ରାଜ୍ୟରେ ପୋଲିସ ମୁଖ୍ୟାଳୟର ସ୍ଵତନ୍ତ୍ର ବୈଠକ ବସିଥିଲା । ଉକ୍ତ ବୈଠକ ରାଜ୍ୟରେ କାର୍ଯ୍ୟରତ ୪୨୭ ଜଣ ଏସଆଇଙ୍କୁ ପଦୋନ୍ନତି ଦିଆଯାଇ ଆଇଆଇସି କରାଯାଇଛି । ତେବେ ରାଜ୍ୟର ୪୨୭ଜଣଙ୍କ ମଧ୍ୟରୁ ନୟାଗଡ଼ ଜିଲ୍ଲାରେ କାର୍ଯ୍ୟରତ ୧୧ଜଣ ଏସଆଇଙ୍କୁ ପଦୋନ୍ନତି ଦିଆଯାଇ ଆଇଆଇସି କରାଯାଇଛି । ଏସଆଇରୁ ଆଇଆଇସି ହୋଇଥିବା ଏସଆଇ ମାନେ ହେଲେ  କେନ୍ଦ୍ରୀୟ ସତନ୍ତ୍ର ବୈଠକର  ୮୯ ନଂ ରେ ଥିବା ଏସଆଇ ସଞ୍ଜୟ କୁମାର ପରିଡ଼ା, ୧୦୬ନଂରେ ଶିବ ରଞ୍ଜନ ସିଂହା, ୨୫୦ନଂରେ ଥିବା ପ୍ରିତିପ୍ରକାଶ ମହାନ୍ତି, ୨୬୦ନଂ ରେ ଥିବା ଶ୍ରଦ୍ଧା ନାୟକ, ୨୮୯ ନଂ ରେ ଥିବା ସ୍ନେହଲତା ପ୍ରଧାନ, ୩୨୯ ନଂ ରେ ଥିବା ସନ୍ତୋଷ କୁମାର ଦାସ, ୩୫୫ ନଂ ରେ ଥିବା ବିନୟ ରଞ୍ଜନ ପରିଡ଼ା, ୪୧୭ ନଂ ରେ ଥିବା କୃତିବାସ ହରିଚନ୍ଦନ, ୪୨୧ ନଂ ରେ ଥିବା ଗୋପବନ୍ଧୁ ମଲ୍ଲିକ, ୫୪୨ ନଂ ରେ ଥିବା ବିରଞ୍ଚି ନାରାୟଣ ଅମ୍ମାତ ଓ ୫୫୮ ନଂ ରେ ଥିବା ଏସଆଇ ଧର୍ମେନ୍ଦ୍ର ଶିଆଳଙ୍କୁ ଆଇଆଇସି ପାହ୍ୟାକୁ ପଦୋନ୍ନତି ଦିଆଯାଇଛି । ଏହି ପଦୋନ୍ନତି ଫଳରେ ବିଭିନ୍ନ ମହଲରୁ କାର୍ଯ୍ୟରତ ଏସଆଇ ମାନଙ୍କୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି ।