ଖଣ୍ଡପଡ଼ା ନିର୍ବାଚନ ମଣ୍ଡଳୀରେ ଆଇନ ସେବା ବିପର୍ଯ୍ୟସ୍ତ:ବାଡ଼ ଖାଉଛି ଫସଲ:ଜିଲ୍ଲାପାଳଙ୍କୁ ଫେରାଦ ହେଲେ ଜନପ୍ରତିନିଧି

ନୟାଗଡ଼, (ଓଡ଼ିଶା ଲେଖା): ଖଣ୍ଡପଡା ନିର୍ବାଚନ ମଣ୍ଡଳୀରେ ଆଇନ ଶୃଙ୍ଖଳା ବିପର୍ଯ୍ୟସ୍ତ। ଶାସକ ଦଳର ନେତାଙ୍କ ଚାପରେ ଚେପା ହୋଇଛି ପୋଲିସ। ଅଭିଯୋଗ ହେଉଥିଲେ ମଧ୍ୟ ଥାନାରେ ବଛା ଯାଉଛି ସେ, କେଉଁ ଦଳକୁ ସମର୍ଥନ କରୁଛନ୍ତି, ତାକୁ ଚାହିଁକି ବ୍ୟବହାର, ତାକୁ ଚାହିଁକି ୠଜୁ ହେଉଛି ମାମଲା। ଯଦି ବେଶୀ ଭିଡା ଭିଡ଼ି ଲାଗେ ତେବେ ମାମଲା ୠଜୁ କରି କୋହଳ ଦଫା ଲଗାଇବା ସହ ଗିରଫ କରେ ଏବଂ ଥାନାରୁ ଫଟି ୱାନରେ ଦେଇ ଛାଡ଼ି ଦେଉଥିବା ଭଳି ସାଙ୍ଘାତିକ ଅଭିଯୋଗ ଆସିଛି। ବିନା କାରଣରେ ଦଳୀୟ ଗୋଷ୍ଠୀ କନ୍ଦଳର ଆଖ୍ୟା ଦେଇ ଖଣ୍ଡପଡା ନିର୍ବାଚନ ମଣ୍ଡଳୀ ଅନ୍ତର୍ଗତ ଫତେଗଡ଼ ଥାନା ଅଞ୍ଚଳର ବହୁ ନିରୀହ ଜନସାଧାରଣ ଏହି ଆକ୍ରୋଶର ଶିକାର ହେଉଛନ୍ତି। ଯାହାକୁ ନେଇ ନିରାଶ ହୋଇ ଜନ ପ୍ରତିନିଧି ଓ ଅଭିଯୋଗକାରି ଜିଲ୍ଲାପାଳଙ୍କ ଜନ ଶୁଣାଣି ଶିବିରକୁ ଆସି ଜିଲ୍ଲା ଆରକ୍ଷୀ ଅଧିକ୍ଷକ ଏସ ସୁଶ୍ରୀଙ୍କୁ ଅଭିଯୋଗ କରିଛନ୍ତି। ଏନେଇ ନୟାଗଡ଼ ଆରକ୍ଷୀ ଅଧିକ୍ଷକ ବିଚାର କରି ପଦକ୍ଷେପ ନେବେ ବୋଲି ଆଶ୍ୱସନା ଦେଇଥିବା ଜଣାପଡିଛି। ତେବେ ଫତେଗଡ଼ ପୋଲିସ ସେଠାରେ ଜନସାଧାରଣଙ୍କ ପାଇଁ କାମ କରିବାକୁ ନିଯୁକ୍ତ ହୋଇଛନ୍ତି ନା ନେତାଙ୍କ ପାଇଁ ନିଯୁକ୍ତ ହୋଇଛନ୍ତି ବଡ଼ ପ୍ରଶ୍ନବାଚୀ ସୃଷ୍ଟି କରିଛି।