ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲାପାଳ କାର୍ଯ୍ୟାଳୟ ପରିସରରେ ଥିବା ଓସାନ ସମ୍ମିଳନୀ ଗୃହରେ ଆଦି କର୍ମଯୋଗୀ ଅଭିଯାନ ଅନୁଷ୍ଠିତ ହୋଇଯାଇଛି। ଉକ୍ତ ଅଭିଯାନରେ ନୟାଗଡ଼ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲ ମୁଖ୍ୟଅତିଥି ଭାବେ ଯୋଗ ଦେଇ’ଆଦି କର୍ମଯୋଗୀ ଅଭିଯାନର ଶୁଭାରମ୍ଭ କରିଛନ୍ତି। ଆଦି କର୍ମଯୋଗୀ ଅଭିଯାନ ଏକ ଯୋଜନା ନୁହେଁ, ଏକ ପ୍ରୟାସ ଯାହାର ବିକଶିତ ଭାରତ ଗଠନରେ ପ୍ରମୁଖ ଭୁମିକା ଅଛି। ଅନୁସୂଚିତ ଜନଜାତି ଗ୍ରାମ ଗୁଡିକରେ ସମସ୍ତ ସୁବିଧା ସୁଯୋଗ ପହଞ୍ଚାଇବା ସହ ସାମଗ୍ରିକ ବିକାଶ ଦିଗରେ କାର୍ଯ୍ୟ କରିବା ସରକାରଙ୍କ ମୁଖ୍ୟ ଦାୟୀତ୍ୱ।ସରକାରୀ କର୍ମଚାରୀଙ୍କ ସେବା, ସମର୍ପଣ ଓ ସଂକଳ୍ପ ମନୋଭାବ ହେଉଛି ‘ଆଦି କର୍ମଯୋଗୀ ଅଭିଯାନ’ର ମୁଖ୍ୟ ଲକ୍ଷ। ଭାରତ ସରକାରଙ୍କ ଆଦିବାସୀ ମନ୍ତ୍ରଣାଳୟ ତରଫରୁ ଧରିତି ଆବା- ଜନଜାତି ଗ୍ରାମ ଉତ୍କର୍ଷ ଅଭିଯାନ ଦ୍ବାରା ଆମ ନୟାଗ଼ଡ ଜିଲ୍ଲାର ଦଶପଲ୍ଲା, ଗଣିଆ ଓ ନୂଆଗାଁ ବ୍ଲକ ସାମିଲ କରାଯାଇଛି । ଏହି 3ଟି ବ୍ଲକ ଅନ୍ତର୍ଗତ 20ଟି ପଞ୍ଚାୟତର 113ଟି ଜନଜାତି ବହୁଳ ଗ୍ରାମକୁ ଏହି ଅଭିଯାନରେ ସାମିଲ କରାଯାଇଛି। ଦଶପଲ୍ଲା ବ୍ଲକର ବାଣିଗୋଛା, କୁଜାମେଣ୍ଢି, ଡୁଡା, କୁଲୁରୁକୁମ୍ପା, ଚଢେୟାପଲ୍ଲି, କଳସଖମଣ, ନୂଆଗାଁ, ଖମାରସାହି, ତେଣ୍ଡାବାଡି, ଭୋଗବାଡି, ପୋଖରୀଗୋଛା, ତୁମ୍ମାଣ୍ଡି, ସରିଗଣ୍ଡା, ଟାକରା, ଘୋଳାହାଣ୍ଡି, ସିମିଳିସାହି , ଘୁଗୁଡିପଡା , ନଛିପୁର ପଞ୍ଚାୟକୁ ସାମିଲ କରାଯାଇଥିବା ବେଳେ ନୂଆଗାଁ ବ୍ଲକର ଗୁମ୍ମି ସହ ଗଣିଆ ବ୍ଲକର ବଡସିଲିଙ୍ଗା ପଞ୍ଚାୟତ ଅନ୍ତର୍ଭୁକ୍ତ କରାଯାଇଛି ।
ସେହିପରି DA-JGUA ଗ୍ରାମର ସାମଗ୍ରିକ ବିକାଶ ନିମନ୍ତେ ସମସ୍ତ ବିଭାଗର ସହମତିରେ ପ୍ରତ୍ୟକ ଗ୍ରାମ ପାଇଁ ଏକ Village Vision Plan and Village Action Plan ପ୍ରସ୍ତୁତି ସହ ଆଜି ଅକ୍ଟୋବର ୨ ତାରିଖରେ DA-JGUA ଗ୍ରାମର Village Action ସେହି ପଞ୍ଚାୟତର ଗ୍ରାମ ସଭାରେ ଅନୁମୋଦନ କରାଯିବ ବୋଲି ଜିଲ୍ଲାପାଳ ଶ୍ରୀଯୁକ୍ତ ଅଗ୍ରୱାଲା ପ୍ରକାଶ କରିଛନ୍ତି । ଆଦି କର୍ମଯୋଗୀ ଅଭିଯାନ ଏକ କେନ୍ଦ୍ର ସରକାରଙ୍କ ପ୍ରମୁଖ କାର୍ଯକ୍ରମ ଯହିଁରେ ନିମ୍ନଲିଖିତ ଯୋଜନା ଗୁଡିକ ଅନ୍ତର୍ଭୁକ୍ତ -Dhariti Aba Janajatiya Gram Utkarsh Abhijan, National Sickle Cell, Elimination Mission, Scholarship ଏହି ଜନ ଭାଗିଦାରୀ କାର୍ଯ୍ୟକ୍ରମ ତିନୋଟି କ୍ୟାଡରରେ ବିଭକ୍ତ କରାଯାଇଛି- Adi Karmayogi- Govt officers (Central and state), Adi Sahayogi- Youth Leaders, Teacher, Doctors and Social Workers, Adi Sathi- SHG Members, Tribal leaders, Volunteers, Cultural Icons etcଆଦି କର୍ମଯୋଗୀ ଅଭିଯାନ ମାଧ୍ୟମରେ ପ୍ରତ୍ୟକ ଗ୍ରାମରୁ ଅତି କମ୍ ରେ 15 ରୁ 20 ଜଣ ଆଦିବାସୀ ନେତା ଚୟନ କରି ନିଜ ଅଂଚଳର ବିକାଶର ବାହକ ହେବା ସହ ବିକଶିତ ଭାରତ ଅଂଶିଦାରୀ ହେବାର ଲକ୍ଷ୍ୟ ରଖାଯାଇଛି । ଉକ୍ତ କାର୍ଯ୍ୟକ୍ରମରେ ଜିଲ୍ଲା ସୂଚନା ଓ ଲୋକ ସଂପର୍କ ଅଧିକାରୀ ଜୋତ୍ସାମୟୀ ଆଚାର୍ଯ୍ୟଙ୍କ ସହ ଜିଲ୍ଲା ଅନୁସୂଚିତ ଜାତି, ଜନଜାତି ଓ ସଂଖ୍ୟାଲଘୁ ସଂପ୍ରସାରଣ ଅଧିକାରୀ ଉପସ୍ଥିତ ଥିଲେ।
