ଓଡ଼ିଶା ଲେଖା ଅଫିସ: ଚଳିତ ବର୍ଷର ବଡ଼ ଧମାକା। ଓଡ଼ିଶା ପୁଲିସ ନିଯୁକ୍ତି ବୋର୍ଡ ଏସ୍ଆଇ ପରୀକ୍ଷାରେ କେଳେଙ୍କାରୀ ଘଟଣାରେ ଘାଣ୍ଟୁଛି କ୍ରାଇମବ୍ରାଞ୍ଚ। ଗୋଟିଏ ଦିନରେ କୋର୍ଟ ଚାଲାଣ ହେବେ ୧୨୨ ଜଣ ଅଭିଯୁକ୍ତ। ତଥାପି ଚାଲିଛି ତଦନ୍ତ । ପୋଲିସ ସେମାନଙ୍କୁ ଆନ୍ଧ୍ରପ୍ରଦେଶ ଶ୍ରୀକାକୁଲମ ଅଞ୍ଚଳରୁ ବ୍ରହ୍ମପୁର ପୋଲିସ ଗିରଫ କରିଛି। ସୂଚନାନୁସାରେ, ଅକ୍ଟୋବର ମାସ 5 ଓ 6 ତାରିଖରେ ଏସଆଇ ପରୀକ୍ଷା ହେବାକୁ ଥିବାବେଳେ, ପ୍ରଶ୍ନପତ୍ର ଜାଲିଆତି କରିଥିବା ନେଇ ଜଣାପଡିବା ପରେ ରାଜ୍ୟ ସରକାର ପରୀକ୍ଷା ବାତିଲ କରିଥିବା ନେଇ ବିଜ୍ଞପ୍ତି ପ୍ରକାଶ କରିଥିଲେ । ରାଜ୍ୟ ସରକାରଙ୍କ ତରଫରୁ ତତକ୍ଷଣାତ କ୍ରାଇମ ବ୍ରାଞ୍ଚର ୫ଟି ଟିମ ଓ ବ୍ରହ୍ମପୁର ପୋଲିସର ଗୋଟିଏ ଟିମ ତଦନ୍ତ କରୁଥିବା ଜଣାପଡିଛି। ତେବେ କ୍ରାଇମ ବ୍ରାଞ୍ଚର ପ୍ରାଥମିକ ତଦନ୍ତରେ ୧୧୭ ପରୀକ୍ଷାର୍ଥୀଙ୍କ ସହ ୨ ଦଲାଲଙ୍କୁ ରାତି ସାରା ଜେରା କରିବା ପରେ ୧୧୯ଜଣ ଓ ଡ୍ରାଇଭର ସହ ୧୨୨ ଜଣଙ୍କୁ ଗିରଫ କରିଥିବା ବେଳେ ଆଜି ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି। ଜଣଙ୍କ ପିଛା ୨୫ ଲକ୍ଷ ଟଙ୍କାର ଡିଲ୍ ହୋଇଥିବା ନେଇ ଚର୍ଚ୍ଚା ହେଉଛି।
ଏସଆଇ ପରୀକ୍ଷାରେ ଜାଲିଆତି: କ୍ରାଇମ ବ୍ରାଞ୍ଚ ଚଢ଼ାଉ,୧୨୨ ଜଣଙ୍କୁ ଗିରଫ କଲା ବ୍ରହ୍ମପୁର ପୋଲିସ
