ନିର୍ବାଚନ କମିଶନରଙ୍କ ଗ୍ରୀନ ସିଗନାଲ:ବିହାର ନିର୍ବାଚନ ସମୟରେ ହେବ ନୂଆପଡା ଉପ ନିର୍ବାଚନ

ଓଡ଼ିଶା ଲେଖା ଅଫିସ: ନୂଆପଡା ଉପ ନିର୍ବାଚନ ପାଇଁ ମିଳିଲା ଗ୍ରୀନ ସିଗନାଲ । ଏନେଇ ଭାରତୀୟ ନିର୍ବାଚନ କମିଶନର (ଇସିଆଇ) ସୂଚନା ଦେଇଛନ୍ତି । ବିହାର ନିର୍ବାଚନ ସମୟରେ 7ଟି ରାଜ୍ୟର 8ନିର୍ବାଚନ ମଣ୍ଡଳୀରେ ହେବ ଉପ ନିର୍ବାଚନ । ନୂଆପଡା ବିଜେଡ଼ି ବିଧାୟକ ରାଜେନ୍ଦ୍ର ଢୋଲକିଆଙ୍କ ଗତ 8ତାରିଖରେ ପରଲୋକ ଘଟିଥିଲା । ଯାହାଫଳରେ ଏହି ଆସନ ଟି ଖାଲି ପଡିଛି । ରାଜ୍ୟରେ ବିଜେଡ଼ିର 51ଜଣ ବିଧାୟକଙ୍କ ମଧ୍ୟରୁ ସ୍ବର୍ଗତ ରାଜେନ୍ଦ୍ର ଢୋଲକିଆଙ୍କ ପରଲୋକ ହେବା ପରେ 50ଜଣ ବିଧାୟକ ସଂଖ୍ୟାକୁ ଖସିଛି । ତେବେ ଏହି 7ଟି ରାଜ୍ୟ ମଧ୍ୟରେ ଓଡ଼ିଶାର ନୂଆପଡା ନିର୍ବାଚନ ମଣ୍ଡଳୀରେ ଉପ ନିର୍ବାଚନ ହେବା ପାଇଁ ଭାରତୀୟ ନିର୍ବାଚନ କମିଶନ ଘୋଷଣା କରିଛନ୍ତି । ଆଗାମୀ ଦିନରେ ବିହାର ସାଧାରଣ ନିର୍ବାଚନ ସହ ଓଡ଼ିଶାର ନୂଆପଡା, ଜାମ୍ମୁ କାଶ୍ମୀରର ବୁଡ଼ଗାମ ଓ ନଗ୍ରୋଟା, ରାଜସ୍ଥାନର ଆଣ୍ଟା, ଝାଡ଼ଖଣ୍ଡର ଘାଟସିଲା, ତେଲେଙ୍ଗାନାର ଯୁବଲିହିଲିସ, ପଞ୍ଜାବର ତରଣ ତାରଣ ଓ ମିଜୋରାମର ଡାମ୍ଫା ବିଧାନସଭା ଆସନରେ ନିର୍ବାଚନ ଅନୁଷ୍ଠିତ ହେବ ।