ନୟାଗଡ଼ କେମିଷ୍ଟ୍ରି ଆଣ୍ଡ ଡ୍ରଗିଷ୍ଟ ଆସୋସିଏସନ୍ ଷଷ୍ଠ ସାଧାରଣ ଅଧିବେଶନ:ଯେଉଁ ଦେଶରେ ପ୍ରତ୍ୟେକ ନାଗରିକ ସମୃଦ୍ଧ ସେହି ଦେଶର ବିକାଶ ନିଶ୍ଚିତ,ଅରୁଣ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲା କେମିଷ୍ଟ୍ରି ଆଣ୍ଡ ଡ୍ରଗିଷ୍ଟ ଆସୋସିଏସନ୍ ୬ଷ୍ଠ ସାଧାରଣ ଅଧିବେଶନ ଜିଲ୍ଲା ପରିଷଦ ସମ୍ମିଳନୀ କକ୍ଷ ସୃଜନଠାରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ, ଜିଲ୍ଲା ପରିଷଦ ଅଧ୍ୟକ୍ଷ ଇଂ ଦେବାଶିଷ ପଟ୍ଟନାୟକ, ୟୁସିଡିଏ ସଭାପତି ପି ସତ୍ୟ ନାରାୟଣ ପ୍ରମୁଖ ଯୋଗ ଦେଇଥିଲେ। ନୟାଗଡ଼ ଜିଲ୍ଲା କେମିଷ୍ଟ୍ରି ଆଣ୍ଡ ଡ୍ରଗିଷ୍ଟ ଆସୋସିଏସନ୍ ନବ ନିର୍ବାଚିତ ସଭାପତି ପ୍ରହଲ୍ଲାଦ ଦଳବେହେରା, ସମ୍ପାଦକ ସନ୍ତୋଷ କୁମାର ନାୟକ, କୋଷାଧ୍ୟକ୍ଷ ପରମାନନ୍ଦ ପ୍ରଧାନ ପ୍ରମୁଖଙ୍କୁ ସ୍ବାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା। ମୁଖ୍ୟ ଅତିଥି ଡ଼ ସାହୁ ତାଙ୍କ ବକ୍ତବ୍ୟରେ ଟ୍ରମ୍ପଙ୍କ ପାଇଁ ଭାରତ ବର୍ଷ କ୍ଷତି ଗ୍ରସ୍ତ ହେଉଥିବା ବେଳେ ଔଷଧ୍ୟ ବ୍ୟବସାୟ ମଧ୍ୟ କ୍ଷତି ଗ୍ରସ୍ତ ହୋଇଥିବା କହିଥିଲେ। ଯେଉଁ ଦେଶରେ ପ୍ରତ୍ୟେକ ନାଗରିକ ସମୃଦ୍ଧ ସେହି ଦେଶର ବିକାଶ ନିଶ୍ଚିତ ବୋଲି କହିଥିଲେ। କାର୍ଯ୍ୟକ୍ରମରେ ନୟାଗଡ଼ ଜିଲ୍ଲାର ସମସ୍ତ ଔଷଧ ବ୍ୟବସାୟୀ ଅଂଶ ଗ୍ରହଣ କରିଥିଲେ। ସଂଘର ବାର୍ଷିକ ପୁସ୍ତିକା ଜୀବନାୟନକୁ ଅତିଥିମାନେ ଉନ୍ମୋଚନ କରିଥିଲେ।