ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲା ସମାଜ ମଙ୍ଗଳ ବିଭାଗ ତରଫରୁ ମିଶନ ଶକ୍ତି ଭବନ ନୟାଗଡ ଠାରେ ଯୌତୁକ ନିଷେଧ ଅଧିନିୟମ 1961 ବିଷୟ ଜିଲ୍ଲା ସ୍ତରୀୟ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଅଛି। ଉକ୍ତ ଶିବିରରେ ଜିଲ୍ଲା ଆଇନସେବା ପ୍ରାଧିକରଣ ସଚିବ ଅଞ୍ଜଳୀ ମାଛକୁଣ୍ଡ ଉତ୍ସ ସମ୍ପାଦକ ଭାବରେ ଯୋଗଦେଇଥିଲେ । ଉପଜିଲ୍ଲାପାଳ ଶ୍ରୀ କର୍ଣ୍ଣଦେବ ସମାଦ୍ଦାର, ଡେପୁଟି କଲେକ୍ଟର ତପତି ରାଜ, ଜିଲ୍ଲା ସମାଜ ମଙ୍ଗଳ ଅଧିକାରୀ ପୁଷ୍ପଲତା ପାତ୍ର, ଜୟଶ୍ରୀ ପ୍ରଧାନ, ବରିଷ୍ଠ ଆଇନଜୀବୀ ରମେଶ ଚନ୍ଦ୍ର ମହାରଣା, ମହିଳା ସଶକ୍ତିକରଣର ଜିଲ୍ଲା ସଂଯୋଜକ ନୟାଗଡ଼ ସୌମ୍ୟ ରଞ୍ଜନ ଦାଶ ସମସ୍ତ ମଞ୍ଚଶୀନାରେ ଉପସ୍ଥିତ ରହି ଯୌତୁକ ନିଷେଧ ବିଷରେ ଆଲୋଚନା କରିଥିଲେ।
ଉପସ୍ଥିତ ଥିବା ବିଭିନ୍ନ ସମ୍ପ୍ରଦାୟରେ ବ୍ୟକ୍ତିବିଶେଷ ଯଥା ପୁରୋହିତ, କାଜି, ଏସଏଚଜି ମହିଳା, ଓଏସସି କର୍ମଚାରୀ, ଶକ୍ତି ସଦନ କର୍ମଚାରୀ ସମସ୍ତଙ୍କ ସହିତ ଆଲୋଚନ କରି କିପରି ଭାବରେ ନୟାଗଡ଼ ଜିଲ୍ଲାର ସମସ୍ତ ଗ୍ରାମାଞ୍ଚଳରେ ଯୌତୁକ ପ୍ରଥା କିପରି ମୂଳପୋଛ କରିହେବ ସେ ନେଇ ଡେପୁଟି କଲେକ୍ଟର ସମସ୍ତଙ୍କୁ ଶପଥ ପାଠ କରାଇଥିଲେ। ତତସହିତ ଜିଲ୍ଲା ଆଇନସେବା ପ୍ରାଧିକରଣ ସଚିବ ଆଇନ କାନୁନ, ଚାର୍ଜ ସିଟ କିପରି ହବ ଏବଂ ଯୌତୁକ ନିଷେଧ ଅଧିନିୟମ ବିଷୟରେ ଆଲୋଚନା କରିଥିଲେ। ଉକ୍ତ କାର୍ଯ୍ୟକ୍ରମରେ ଜିଲ୍ଲା ଡ଼ିଏସଡ଼ବ୍ଲ୍ୟୁ ବିଭାର ସମସ୍ତ କର୍ମଚାରୀ ଉପସ୍ଥିତ ଥିଲେ ।
