ନୟାଗଡ଼, (ଓଡ଼ିଶା ଲେଖା): ମର୍ମଦୁତ ସଡ଼କ ଦୁର୍ଘଟଣା। ଦୁର୍ଘଟଣା ଏମିତି ଭୟାନକ ଥିଲା ଯେ, ବାଇକ ଉପରେ ଚଢିଯାଇଛି ଟ୍ରକ। ଜଣେ ବ୍ୟକ୍ତି ଗୁରୁତର ଆହାତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ଜଣାପଡିଛି। ଏଭଳି ଦୁର୍ଘଟଣା ଦେଖିବାକୁ ମିଳିଛି ନୟାଗଡ଼ ସଦର ଥାନା ଠାରୁ ଅଳ୍ପ ଦୂରରେ ଥିବା ଝୁମ୍ପୁରୀ ନିକଟରେ।
ଗୁରୁତର ଆହାତ ହୋଇଥିବା ବ୍ୟକ୍ତି ଜଣଙ୍କ ହେଲେ କିଶୋର ମହାନ୍ତି ।ସୂଚନାନୁସାରେ, ନୟାଗଡ଼ ଟାଉନ ଥାନା ଅନ୍ତର୍ଗତ ଝୁମ୍ପୁରୀ ନିକଟରେ ଜଣେ ବାଇକ ଆରୋହୀ ରାସ୍ତା କଡରେ ଗାଡ଼ି କରି ଠିଆ ହୋଇଥିବା ବେଳେ ବିପରୀତ ଦିଗରୁ OD02G0786 ଟ୍ରକ ଭାରସାମ୍ୟ ହରାଇ ରଙ୍ଗ ରୁଟରେ ପସି ଆସି ବାଇକକୁ ଧକ୍କା ଦେଇଥିଲା । ବ୍ୟକ୍ତି ଜଣଙ୍କ ଛିଟିକ ପଡ଼ିଥିବା ବେଳେ ଟ୍ରକ ଟି ବାଇକ ଉପରେ ଛାଡ଼ିଯାଇଛି।
ବାଇକ ସମ୍ପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ ବ୍ୟକ୍ତି ଜଣଙ୍କ ଗୁରୁତର ଆହାତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ ଭୁବନେଶ୍ୱର ସ୍ଥାନାନ୍ତରଣ କରିଥିବା ଜଣାପଡିଛି। ସେପଟେ ଟାଉନ ପୋଲିସ ଘଟଣାସ୍ଥଳରେ ପହଞ୍ଚି ଟ୍ରକ ଓ ବାଇକକୁ ଜବତ କରି ତଦନ୍ତ ଆରମ୍ଭ କରିଥିବା ସୂଚନା ମିଳିଛି।
