ଲକ୍ଷ୍ମୀପ୍ରସାଦ ପଞ୍ଚାୟତରେ ବିଧବା ମହିଳା ମାନଙ୍କୁ ନେଇ ନୟାଗଡ ଜିଲ୍ଲା ଆଇନ ସେବା ପ୍ରାଧିକରଣର ସଚେତନତା ଶିବିର

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲା ଓ ଦୌରାଜଜ ତଥା ଅଧ୍ଯକ୍ଷ, ଜିଲ୍ଲା ଆଇନ ସେବା ପ୍ରାଧିକରଣ ଆନନ୍ଦ ନାରାୟଣ ମହାରଣାଙ୍କ ନିର୍ଦ୍ଦେଶରେ ସଚିବ ଅଞ୍ଜଳି ମଛଖଣ୍ଡଙ୍କ ତତ୍ତ୍ୱାବଧାନରେ, ଲକ୍ଷ୍ମୀପ୍ରସାଦ ଗ୍ରାମପଞ୍ଚାୟତ ଠାରେ ବିଧବା ମହିଳା ମାନଙ୍କୁ ନେଇ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଅଛି । ସର୍ବପ୍ରଥମେ ଜାତୀୟ ଆଇନ ସେବା ପ୍ରାଧିକରଣ ସଙ୍ଗୀତ “ଏକ ମୁଠି ଆସମାନ” ଗାନ ସହିତ ପ୍ରଶାନ୍ତ କୁମାର ସାହୁ ଅତିଥି ମାନଙ୍କର ପରିଚୟ ପ୍ରଦାନ କରିଥିଲା ବେଳେ ମୁଖ୍ୟ ଅତିଥି ଅଞ୍ଜଳି ମଛଖଣ୍ଡ ଆନୁଷ୍ଠାନିକ ଭାବେ ଶିବିର ଉଦଘାଟନ କରି ବିଧବା ମହିଳା ମାନଙ୍କର ସମସ୍ୟା ଓ ତାହାର ପ୍ରତିକାର ଉପରେ ଆଲୋକପାତ କରିଥିଲେ ସମ୍ମାନୀତ ଅତିଥି ରୂପେ ସରକାରୀ ଓକିଲ ଦଣ୍ଡପାଣି ସ୍ବାଇଁ, ବିଧବା ମହିଳା ମାନଙ୍କର ସମ୍ପତିଗତ ଅଧିକାର ଉପରେ ବୁଝାଇ ଥିଲେ । ବରିଷ୍ଠ ଆଇନଜୀବି ରମେଶ ଚନ୍ଦ୍ର ମହାରଣା ଆଇନ ସେବା ପ୍ରାଧିକରଣଙ୍କ ନିଃଶୁକ୍ଳ ଆଇନ ସେବା ଓ ପୋସ୍କୋ ଆଇନ ଉପରେ ଆଲୋକପାତ କରିଥିଲା ବେଳେ ଆଇନଜୀବି ପ୍ରୀତିରାଣୀ ଏକ୍ଜା ବିଧବା ମହିଳା ମାନଙ୍କର ବିଭିନ୍ନ ହିତାଧିକାରୀ ଯୋଜନା ଏବଂ ଆଇନଗତ ଅଧିକାର ଉପରେ ବିସ୍ତୃତ ଆଲୋଚନା କରିଥିଲେ । କନସିଲେଟର କ୍ଷଣପ୍ରଭା କର କବିତା ମାଧ୍ଯମରେ ବିଧବା ମହିଳା ମାନଙ୍କର ମନରେ ଶକ୍ତି ସଂଚାର କରିଥିଲେ ଉକ୍ତ ଶିବିରରେ ସରପଞ୍ଚ ନିରଞ୍ଜନ ବିଧାର ଓ ସଚିବ ଅଞ୍ଜଳି ମଛଖଣ୍ଡଙ୍କ ଉପସ୍ଥିତିରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବିଧବା ମହିଳା ମାନଙ୍କୁ ନୂତନ ଭତ୍ତା ଆବଣ୍ଟନ କରିଥିଲେ । ଜିଲ୍ଲା ଆଇନ ସେବା ପ୍ରାଧିକରଣର କର୍ମଚାରୀ ରାଜେଶ କୁମାର ବାରିକ, ନ୍ୟାୟ ଅଧିକାର ମିତ୍ର ଲିପ୍ସା, ଅକ୍ଷୟ ପୂଜା, ମିକି, ଅନୁପମା ଓ ଇପ୍ସିତା ଏବଂ ସାମ୍ବାଦିକ ବିଷ୍ଣୁ ଓ ସୁରୂପ ଉପସ୍ଥିତ ରହି ସମ୍ପୁର୍ଣ୍ଣ ସହଯୋଗ କରିଥିଲେ । ପରିଶେଷରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ସର୍ବେଶ୍ବର ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ ।