ସ୍ଵର୍ଣ୍ଣରୌପ୍ୟ ସଂଘର ସମୀକ୍ଷା ବୈଠକ:ସରକାରଙ୍କ ପାଖରେ ବିଭିନ୍ନ ଦାବି ଉପସ୍ଥାପନା କରିବାକୁ ନିଷ୍ପତ୍ତି

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲାର ଚାନ୍ଦପୁରୁ ମା ରାମଚଣ୍ଡୀଙ୍କ ମନ୍ଦିର ପ୍ରାଙ୍ଗଣରେ ( ଚାନ୍ଦପୁରଟାଙ୍ଗି) ମା ରାମଚଣ୍ଡୀ ସ୍ଵର୍ଣ୍ଣରୌପ୍ୟ ଶିଳ୍ପୀ ସଂଘର ଶିଳ୍ପୀମାନଙ୍କର ଏକ ସମୀକ୍ଷାବୈଠକ ଅନୁଷ୍ଠିତ ହୋଇଯାଇଛି । ନୟାଗଡ଼ ଜିଲ୍ଲା ସ୍ଵର୍ଣ୍ଣରୌପ୍ୟ ସଂଘର ସଭାପତି ଅନନ୍ତ ମହାପାତ୍ର, ମୁଖ୍ୟ ଉପଦେଷ୍ଟା ବିଶ୍ଵନାଥ ମହାପାତ୍ର (ଜଟି), ସହ ସମ୍ପାଦକ ଲକ୍ଷ୍ମୀଧର ସାଥୁଆ( ମିଟୁ), ସମ୍ପାଦକ ନିରଞ୍ଜନ ସାଥୁଆ ଓ ଉପଦେଷ୍ଟା ମଣ୍ଡଳୀର ଚାପଧାରୀସାରେ ନିରୁ, ଶୁକଦେବ, ଉଛବ ଯୋଗ ଦେଇଥିଲେ । ସ୍ଵର୍ଣ୍ଣକାର ମାନଙ୍କର କୁଟୀର ଶିଳ୍ପ ବନ୍ଦ ହେବାକୁ ବସିଥିବା ବେଳେ, ସରକାରଙ୍କ ନିକଟରେ ବିଭିନ୍ନ ଦାବି ଉପସ୍ଥାପନା କରାଯିବା ପାଇଁ ବୈଠକରେ ଆଲୋଚନା ହୋଇଥିଲା। ଏଥିରେ ଶତାଧିକ ମହିଳା ଓ ପୁରୁଷ ଯୋଗ ଦେଇଥିଲେ। ଏଥିରେ ଚାନ୍ଦପୁରର ସ୍ଵର୍ଣ୍ଣରୌପ୍ୟ ସଂଘର ସଭାପତି ଭାଗିରଥି ସାମନ୍ତରା, ଉପସଭାପତି ରାମଚନ୍ଦ୍ର ସାହୁ (B) ସମ୍ପାଦକ ରାମଚନ୍ଦ୍ର ସାହୁ (A) ଓ  ମେରୁଧର ସାମନ୍ତରା ଉପଦେଷ୍ଟା ମାନଙ୍କ ଆବାହକତ୍ୱରେ ସଭାକାର୍ଯ୍ୟ କରାଯାଇଥିଲା । ସେହି ସଭାରେ ନୟାଗଡ଼ ଜିଲ୍ଲାର ସହ ସମ୍ପାଦକ ଲକ୍ଷ୍ମୀଧର ସାଥୁଆ ସହଯୋଗ କରିଥିଲେ ।