ଗଭୀର ଅବପାତରେ ଉପୁଡ଼ିଲା ଗଛ, ରାସ୍ତା ଅବରୋଧ:ରାଜସୁନାଖଳା–ରଣପୁର ରାସ୍ତାରେ ଯାତାୟାତ ବାଧା, ବିଦ୍ୟୁତ ସେବା ପ୍ରଭାବିତ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ରାଜସୁନାଖଳା–ରଣପୁର ମୁଖ୍ୟ ରାସ୍ତାର କୋଟଗଡ଼ ନିକଟରେ ଗଭୀର ଅବପାତର ପ୍ରଭାବରେ ଗଛ ଉପୁଡ଼ି ରାସ୍ତା ଉପରେ ପଡ଼ି ରହିଛି। ଫଳରେ ରାସ୍ତାରେ ଯାତାୟାତ ବାଧାପ୍ରାପ୍ତ ହୋଇଛି। ଆଜି ସକାଳୁ ଗଛଟି ଉପୁଡ଼ି ରାସ୍ତା ଉପରେ ପଡ଼ିଥିବାରୁ ଉଭୟ ପାର୍ଶ୍ୱରୁ ଯାନବାହନ ଚଳାଚଳରେ ସମସ୍ୟା ଦେଖାଦେଇଛି। ଏହାସହ ଗଛ ପଡ଼ିବା ଯୋଗୁଁ ବିଦ୍ୟୁତ ତାର ଓ ଖୁଣ୍ଟି ପ୍ରଭାବିତ ହୋଇଥିବାରୁ ଅଞ୍ଚଳରେ ବିଦ୍ୟୁତ ସେବା ଠପ୍ ହୋଇଥିବା ସୂଚନା ମିଳିଛି। ଘଟଣାସ୍ଥଳରେ ଗଛ ହଟାଇ ରାସ୍ତା ସ୍ୱାଭାବିକ କରିବା ସହ ବିଦ୍ୟୁତ ସେବା ଶୀଘ୍ର ପୁନରୁଦ୍ଧାର କରିବାକୁ ସ୍ଥାନୀୟ ଲୋକେ ସମ୍ପୃକ୍ତ ବିଭାଗ ନିକଟରେ ଦାବି କରିଛନ୍ତି।