ନୟାଗଡ଼, (ଓଡ଼ିଶା ଲେଖା): ଇଟାମାଟି ଶିକ୍ଷା ଓ ବୈଷୟିକ ମହାବିଦ୍ୟାଳୟର ଅବସରପ୍ରାପ୍ତ ଇଂରାଜୀ ଅଧ୍ୟାପକ ବାଇଧର ସାହୁଙ୍କ ପରଲୋକରେ ଅଞ୍ଚଳ ଜଣେ ଆଦର୍ଶ ଅଧ୍ୟାପକଙ୍କୁ ହରାଇଲା। ସାରା ଜୀବନ ସ୍ରୋତର ପ୍ରତିକୂଳରେ ବିତିଥିଲେ ବି ପ୍ରଚଣ୍ଡ ସ୍ଵାଭିମାନୀ ମଣିଷଟିଏ ଥିଲେ ବାଇଧର ସାର୍। ଉଚ୍ଚକୋଟୀର ଇଂରାଜୀ ସାହିତ୍ୟକୁ ସରଳ ଏବଂ ସାବଲୀଳ ଢଙ୍ଗରେ ଛାତ୍ରଛାତ୍ରୀ ମାନଙ୍କୁ ପରସି ଦେଇ ଭାରି ପ୍ରଶଂସା ସାଉଁଟିବାରେ ସକ୍ଷମ ହୋଇଛନ୍ତି ସେ। ଆଜି ତାଙ୍କର ପୂଣ୍ୟ ଦଶାହ ତିଥିରେ ଶିକ୍ଷାବିତ୍ ଅଶୋକ କୁମାର ନାୟକ, ଅଧ୍ୟକ୍ଷା ସଲିଳା ସାମଲ୍, ସମାଜସେବୀ ଭାଗୀରଥି ବାଇ, ସୁଶାନ୍ତ କୁମାର ପାତ୍ର, ପ୍ରଶାନ୍ତ କୁମାର ରଥ, ଭାରତୀ ମିଶ୍ର, ସୁପ୍ରିୟା ମହାପାତ୍ର, ଶରତ ସାହୁ, ପ୍ରଫୁଲ୍ଲ ସାହୁ, ଲୋକନାଥ ସାଥୁଆ, ବିଶ୍ୱନାଥ ମହାପାତ୍ର, ପୂର୍ବତନ ସରପଞ୍ଚ ମନୋଜ କୁମାର ସାହୁ, ବିଜୟ ସାଥୁଆ, ପ୍ରଦ୍ୟୁମ୍ନ କୁମାର ଜେନା, କାର୍ତ୍ତିକ ସାହୁ, ସଙ୍ଗୀତ ନିର୍ଦ୍ଦେଶକ ପ୍ରଫୁଲ୍ଲ ସାହୁ, ତାଙ୍କର ଅଗଣିତ ଛାତ୍ରଛାତ୍ରୀ, ସହକର୍ମୀ ଓ ସଖା ସହୋଦର ତାଙ୍କ ବାସଭବନକୁ ଯାଇ ତାଙ୍କର ଅମର ଆତ୍ମା ପ୍ରତି ଅଶ୍ରୁଳ ଶ୍ରଦ୍ଧାଞ୍ଜଳି ଜ୍ଞାପନ କରିବା ସହ ଶୋକ ସନ୍ତପ୍ତ ପରିବାରକୁ ସମବେଦନ ଜଣାଇ ଥିଲେ।
