ନିରୋଗ ସେଣ୍ଟରରେ ସ୍ୱାସ୍ଥ୍ୟ ବିଭାଗ ଓ ତହସିଲଦାରଙ୍କ ଚଢ଼ାଉ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଖଣ୍ଡପଡ଼ା ରୋଡ ରେ ଥିବା ଏକ ଘରୋଇ ଅଲଟ୍ରାସାଉଣ୍ଡ କ୍ଲିନିକ୍ ନିରୋଗ ଉପରେ ସ୍ୱାସ୍ଥ୍ୟ ବିଭାଗ ର ଚଢ଼ାଉ । ସୂଚନାନୁସାରେ, ନୟାଗଡ଼ ଖଣ୍ଡପଡ଼ା ରୋଡ ରେ ଥିବା ନିରୋଗ ଅଲଟ୍ରାସାଉଣ୍ଡ କ୍ଲିନିକ୍ ରେ ମେସିନ୍ ଚଳାଇବା ପାଇଁ ଯେଉଁ ଡାକ୍ତର ନିଓଜିତ୍ ଥିଲେ, ତାଙ୍କ ସ୍ଥାନ ରେ ଆଉ ଜଣେ ଡାକ୍ତର ଆସି ଅଲଟ୍ରାସାଉଣ୍ଡ ମେସିନ୍ ଚଳାଉଥିବା ଅଭିଯୋଗ ହୋଇଥିଲା । ନୟାଗଡ ତହସିଲଦାର ରାଜେଶ କେଶରୀ ସ୍ୱାଇଁଙ୍କ ଉପସ୍ଥିତ ରେ ସ୍ୱାସ୍ଥ୍ୟ ବିଭାଗ ର ଟିମ୍ ଆସି ଯାଞ୍ଚ କରିବା ସହ ମେସିନ୍ ସିଜ୍ କରିଛନ୍ତି । ଏଥିସହ କର୍ମଚାରୀ ମାନଙ୍କ ବୟାନ ମଧ୍ୟ ରେକଡ୍ କରିଛନ୍ତି । ତଦନ୍ତ ଚାଲୁ ରହିଛି, ରିପୋର୍ଟ ଆସିବା ପରେ ଆଇନ ଅନୁସାରେ କାର୍ଯ୍ୟାନୁଷ୍ଠାନ ନିଆଯାଇପାରିବ ବୋଲି ତହସିଲଦାର ରାଜେଶ କେଶରୀ ସ୍ୱାଇଁ ପ୍ରକାଶ କରିଛନ୍ତି। ଜିଲ୍ଲା ସଦମହକୁମାରେ ମାଳ ମାଳ ଅଲଟ୍ରାସାଉଣ୍ଡ ଖୋଲାଯାଇ ରୋଗୀ ମାନଙ୍କୁ ଶୋଷଣ କରାଯାଉଥିବା ବେଳେ ଆଜି ହଠାତ୍ ଏଭଳି ଅଚାନକ ଚଢ଼ାଉ ହେବା ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ତେବେ ଏ ଚଢ଼ାଉ ସ୍ୱାସ୍ଥ୍ୟ ବିଭାଗ ପକ୍ଷରୁ କାହା ଇଙ୍ଗିତରେ କରିଛି ? ନିରୋଗ ସେଣ୍ଟର ଉପରେ ଚଢ଼ାଉ ପଛରେ କୌଣସି ରାଜନେତା କିମ୍ବା ବ୍ୟବସାୟୀ ସଂସ୍ଥାର ହାତ ନାହିଁ ତ ? ଏହି ଚଢ଼ାଉ କେବଳ ଗୋଟିଏ ସେଣ୍ଟର ପାଇଁ ନା ଜିଲ୍ଲାରେ ଥିବା ସମସ୍ତ ସେଣ୍ଟର ପାଇଁ ତାହା ନୟାଗଡ଼ ସ୍ୱାସ୍ଥ୍ୟ ବିଭାଗ ସ୍ପଷ୍ଟ କରୁ ବୋଲି ବୁଦ୍ଧିଜିବୀ ମହଲରେ ଆଲୋଚନା ହେଉଛି।