ଭୁଶୁଡ଼ି ପଡ଼ିଲା ୫୭ନଂ ଜାତୀୟ ରାଜପଥର ନୟାଗଡ଼ ବାଇପାସ୍ ରାସ୍ତା:ଗୋଟିଏ ପଟେ ସପୋର୍ଟ ରାସ୍ତା ସଂପୂର୍ଣ୍ଣ ନଷ୍ଟ

ନୟାଗଡ଼, (ଓଡ଼ିଶା ଲେଖା): ଲଘଚାପଜନିତ ବର୍ଷାରେ ଭୁଶୁଡ଼ି ପଡ଼ିଛି କୋଟି କୋଟି ଟଙ୍କାରେ ନିର୍ମିତ ହୋଇଥିବା ଜାତୀୟ ରାଜପଥର ସପୋର୍ଟ ରାସ୍ତା। ଯାହାଫଳରେ ବାଇପାସ୍ ରାସ୍ତା ସପୋର୍ଟ ରାସ୍ତାରେ ଯିବା ଆସିବା ବ୍ୟାଘାତ ସୃଷ୍ଟି ହୋଇଛି। ଏଭଳି ଘଟଣା ଦେଖିବାକୁ ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର୍ ଜାତୀୟ ରାଜପଥର ନୟାଗଡ଼ ବାଇପାସ୍ ରାସ୍ତାର ଲେଙ୍କୁଡ଼ିପଡା ଓଭର ବ୍ରିଜର ସପୋର୍ଟ ରାସ୍ତାର ଗୋଟିଏ ପାର୍ଶ୍ୱ ସଂମ୍ପୂର୍ଣ୍ଣ ଭୁଶୁଡ଼ି ପଡ଼ିଥିବା ଦେଖିବାକୁ ମିଳିଛି। ତେବେ ଉକ୍ତ ରାସ୍ତା ଟି କିଛି ମାସ ହେଲା ନୂତନ ଭାବେ ନିର୍ମାଣ କରାହୋଇଥିବା ବେଳେ, ଲଘୁଚାପ ଜନିତ ବର୍ଷା ଭୁଶୁଡ଼ି ଯିବା ଘଟଣା ଠିକା ସଂସ୍ଥାର କାର୍ଯ୍ୟଦକ୍ଷତା ଉପରେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ତେବେ ଭୁଶୁଡ଼ି ଯିବା ଫଳରେ ସପୋର୍ଟ ରାସ୍ତାରେ ଯିବା ଆସିବା କରିବାରେ ଅସୁବିଧା ଦେଖାଦେଇଛି। ସେପଟେ ଠିକା ସଂସ୍ଥା ଜାଣିବା ପରେ ମରାମତି କରିବା ପାଇଁ ଡ଼ଷ୍ଟ ପକାଇଥିବା ଦେଖିବାକୁ ମିଳିଛି।