ସାତ ଜିଲ୍ଲାର ବାର ନୂଆ ଏନଏସି:ନୟାଗଡ଼ ଜିଲ୍ଲାର ତିନି ଅଞ୍ଚଳବାସୀଙ୍କୁ ଧୋକ୍କା

ଓଡ଼ିଶା ଲେଖା ଅଫିସ: ନୂଆ ଏନଏସିରୁ ନିରାଶ ହେଲା ନୟାଗଡ଼ ଜିଲ୍ଲା । ଶାସକ ଦଳର ବିଧାୟକ ଯେଉଁଠି ଅଛନ୍ତି ସେହି ଅଞ୍ଚଳରେ ହେବାକୁ ଥିବା ନୂଆ ଏନଏସି ଘୋଷଣାକୁ ନିରାଶ କରିଛନ୍ତି ରାଜ୍ୟ ସରକାର । ଓଡ଼ିଶାରେ ବିଜେପି ସରକାର ଗଢିବାର ଚଉଦ ମାସ ହେଲା ପରେ ମଧ୍ୟ ନୟାଗଡ଼ ଜିଲ୍ଲାକୁ ଅବହେଳା କରୁଛନ୍ତି ରାଜ୍ୟ ସରକାର । ନୟାଗଡ଼ ଜିଲ୍ଲାରେ 4ଟି ନିର୍ବାଚନ ମଣ୍ଡଳୀ ମଧ୍ୟରୁ ବିଜେଡ଼ି 2ଟି ଏବଂ ବିଜେପି 2ଟି ନିର୍ବାଚନ ମଣ୍ଡଳୀ ବିଧାୟକ ବିଜୟୀ ହୋଇଛନ୍ତି ।କିନ୍ତୁ ବିଜେପି ବିଧାୟକ ଯେଉଁଠି ବିଜୟୀ ହୋଇଛନ୍ତି, ସେହି ନିର୍ବାଚନ ମଣ୍ଡଳୀ ଅନ୍ତର୍ଗତ ଅଞ୍ଚଳରେ ନୂତନ ଏନଏସି ଗଠନ କରିବା ତତ କାଳୀନ ସରକାର ସମୟରେ ଦାବି ହୋଇ ଆସୁଥିଲା । ଏମିତିକି ସ୍ଥାନୀୟ ଅଞ୍ଚଳର ଜନସାଧାରଣ ଆନ୍ଦୋଳନ କରିବା ସହ ଅହୋରାତ୍ର ଧାରଣା ବସିଥିବା ମଧ୍ୟ ବିଗତ ଦିନରେ ନଜରକୁ ଆସିଥିଲା । ତତ୍କାଳ ସରକାର ସମୟରେ ରଣପୁର ନିର୍ବାଚନ ମଣ୍ଡଳୀର ରାଜସୁନାଖଳା ଓ ଶରଣକୁଳ ଅଞ୍ଚଳକୁ ନୂତନ ଏନଏସି କରିବା ପାଇଁ ଦାବି ହେଇ ଆସୁଥିବା ବେଳେ ଖଣ୍ଡପଡା ନିର୍ବାଚନ ମଣ୍ଡଳୀର କଣ୍ଟିଲୋ ଅଞ୍ଚଳକୁ ନୂତନ ଏନଏସି ଗଠନ କରିବା ପାଇଁ ଦାବି ହୋଇଥିଲା । କିନ୍ତୁ ଦାବି ଦାବି ରହିଗଲା । ପୁରୁଣା ସରକାର ଗଲେ ନୂଆ ସରକାର ଆସିଲେ ଏବଂ ଉକ୍ତ ଅଞ୍ଚଳ ଗୁଡିକ ଶାସକ ଦଳର ବିଧାୟକ ମଧ୍ୟ ଅଛନ୍ତି । କିନ୍ତୁ ଜିଲ୍ଲାକୁ ମିଳିଲା ଶୂନ । ରାଜ୍ୟ ସରକାର 14ମାସ ସରକାର ଗଢିବା ପରେ 7ଟି ଜିଲ୍ଲାର 14ଟି ନୂତନ ଏନଏସି ଗଠନ କରାଯିବା ନେଇ ବିଜ୍ଞପ୍ତି ପ୍ରକାଶ ପାଇଛି । ସେଗୁଡିକ ହେଲା ଅନୁଗୁଳ ଜିଲ୍ଲାର ପାଲଲହଡା, ସୁବର୍ଣ୍ଣପୁର ଜିଲ୍ଲାର ବିରାମହାରାଜପୁର, ବାଲେଶ୍ୱର ଜିଲ୍ଲାର ବସ୍ତା ଓ ସିମୁଳିଆ, ମୟୁରଭଞ୍ଜ ଜିଲ୍ଲାର ବେତନଟୀ, ବାଙ୍ଗିରିପୋଷି ଓ ଚିତ୍ରଡ଼ା, ରାୟଗଡା ଜିଲ୍ଲାର ବିଷମ କଟକ, ସମ୍ବଲପୁର ଜିଲ୍ଲାର ବାମରା, ରେଙ୍ଗାଲି ଓ ଭଦ୍ରକ ଜିଲ୍ଲାର ତିହିଡି, ଧୂଷୁରୀ ଅଞ୍ଚଳକୁ ଏନଏସି ଘୋଷଣା କରାଯିବା ନେଇ ବିଜ୍ଞପ୍ତି ପ୍ରକାଶ ପାଇଛି । ସରକାରଙ୍କ ଏଭଳି ଘୋଷଣାକୁ ଦେଖିଲେ ନୟାଗଡ଼ ଜିଲ୍ଲା ଶାସକ ଦଳର ଦୁଇ ବିଧାୟକଙ୍କ ପାରିବା ପଣିଆ ଉପରେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି । ଯଦି ରାଜ୍ୟ ସରକାର କଣ୍ଟିଲୋ, ରାଜସୁନାଖଳା ଓ ଶରଣକୁଳ ଅଞ୍ଚଳକୁ ନୂତନ ଏନଏସି ଘୋଷଣା ଶୀଘ୍ର ନକରନ୍ତି ତେବେ ଆଗାମୀ ଦିନରେ ଜନଆନ୍ଦୋଳନ ମୁଣ୍ଡ ଟେକିବ ବୋଲି ବିଶେଷ ସୂତ୍ରରୁ ଜଣାପଡିଛି ।