ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲା ଆକାଉଣ୍ଟାଣ୍ଟ କମ୍ ଡିଇଓ ସଂଘର ଦ୍ୱିତୀୟ ବାର୍ଷିକ ଉତ୍ସବ ଅନୁଷ୍ଠିତ ହୋଇ ଯାଇଛି । ଜିଲ୍ଲା ରକ୍ତ ଭଣ୍ଡାର ପରିସରରେ ଆନୁଷ୍ଠାନିକ ଭାବେ ସ୍ୱେଚ୍ଛାକୃତ ରକ୍ତଦାନ ଶିବିର କାର୍ଯ୍ୟକ୍ରମ ଉଦ୍ଘାଟନ ହୋଇଯାଇଛି। ସ୍ୱେଚ୍ଛାକୃତ ରକ୍ତଦାନ ଶିବିରରେ ଜିଲ୍ଲାର ବିଭିନ୍ନ ପଞ୍ଚାୟତରେ କାର୍ଯ୍ୟ କରୁଥିବା କର୍ମକର୍ତ୍ତା ମାନେ ୪୧ ୟୁନିଟ୍ ରକ୍ତ ଦାନ କରିଥିଲେ । ଶିକ୍ଷାବିତ୍ ଧିରେନ ପଟ୍ଟନାୟକ ଓ ଡାକ୍ତର ମୋନାଲିସା ସ୍ୱାଇଁ ରକ୍ତ ଦାନ ଶିବିରକୁ ଉଦ୍ଘାଟନ କରିଥିଲେ ।
ସଂଘ ତରଫରୁ ନୟାଗଡ଼ ସମର୍ପଣ ବୃଦ୍ଧାଶ୍ରମ ରେ ରହୁଥିବା ଅନ୍ତେବାସୀ ମାନଙ୍କ ପାଇଁ ମଧ୍ୟାହ୍ନ ଭୋଜନ ବ୍ୟବସ୍ଥା କରିଥିଲେ । ଲେଙ୍କୁଡ଼ିପଡ଼ା କଲ୍ୟାଣ ମଣ୍ଡପରେ ବାର୍ଷିକ ଉତ୍ସବ ତଥା ସଂଘ ର କାର୍ଯ୍ୟପନ୍ଥା ଓ ହିସାବ ତଦାରଖ କରିଥିଲେ । ଜିଲ୍ଲା ସଭାପତି ଜିତେନ୍ଦ୍ର କୁମାର ପୃଷ୍ଟିଙ୍କ ଅଧକ୍ଷତାରେ ଆୟୋଜିତ ସଭାରେ ସମ୍ପାଦକ ପୂର୍ଣ୍ଣଚନ୍ଦ୍ର ମହାନ୍ତି, କୋଷାଧକ୍ଷ ନିରଞ୍ଜନ ମିଶ୍ରଙ୍କ ସମେତ ଜିଲ୍ଲାର ଆଠ ଗୋଟି ବ୍ଲକ୍ ର ସଭାପତି ଓ ସମ୍ପାଦକ ସହ କୋର୍ କମିଟି କର୍ମକର୍ତ୍ତା ମାନେ ଉପସ୍ଥିତ ରହି ଆଗାମୀ କାର୍ଯ୍ୟପନ୍ଥା ସ୍ଥିର କରିଥିଲେ ।
ସଂଘର ସକ୍ରିୟ ସଭ୍ୟ ତଥା ପୂର୍ବତନ ସଭାପତି ବାଦଲ ଷଡ଼ଙ୍ଗୀ ମଞ୍ଚ ପରିଚାଳନା କରିଥିଲେ । ଜିଲ୍ଲାର ଆଠଗୋଟି ବ୍ଲକ୍ ରୁ ୧୩୧ ଜଣ ଆକାଉଣ୍ଟାଣ୍ଟ କମ ଡିଇଓ ମାନେ ଉପସ୍ଥିତ ଥିଲେ । ନୟାଗଡ ଜିଲ୍ଲା ରକ୍ତ ସଂକଟ ଦେଖା ଦେଉଥିବା ସମୟରେ ଆକାଉଣ୍ଟାଣ୍ଟ କମ ଡିଇଓ ସଂଘର ରକ୍ତଦାନ କରିବାର ନିଷ୍ପତ୍ତି ଓ ସଂଘ ତରଫରୁ୪୧ ୟୁନିଟ୍ ରକ୍ତ ଦାନ କରିଥିବାରୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି ।
