ନୟାଗଡ଼ ପାଣ୍ଡରାସିଂଘା ଛକରେ ଯୁବକଙ୍କୁ ଗୁଳି ମାଡ଼:ଯୁବକ ମୃତ:ଚାପା ଉତ୍ତେଜନା

ନୟାଗଡ଼, (ଓଡ଼ିଶା ଲେଖା): ରଜ ପର୍ବରେ ଫୁଟିଲା ଗୁଳି। ଗୁଳି ମାଡ଼ରେ ଯୁବକଙ୍କ ମୃତ ହୋଇଥିବା ଜଣାପଡ଼ିଛି । ଗୁଳି ମାଡ଼ରେ ଶୀକାର ହୋଇଥିବା ଯୁବକ ଜଣଙ୍କ ଗଣିଆ ଥାନା ପତୁରୀଆ ଗାଁର ବୋଲି ଜଣାପଡିଛି। ଏଭଳି ଅଭାବନୀୟ ଘଟଣା ଘଟିଛି ପାଣ୍ଡରାସିଂଘା ଛକରେ। ସୂଚନାନୁସାରେ, ନୟାଗଡ଼ ଜିଲ୍ଲା ଗଣିଆ ଥାନା ଅନ୍ତର୍ଗତ ପାଣ୍ଡରାସିଂଘା ଛକରେ ପତୁରିଆ ଗ୍ରାମର କୁଳମଣି ନାୟକଙ୍କ ପୁଅ ରବିନ୍ଦ୍ର କୁମାର ନାୟକ ଏକ ଗ୍ୟାରେଜ କରିଛନ୍ତି। ତେବେ ଆଜି ରଜ ପର୍ବ ଥିବା ଯୋଗୁଁ ଗ୍ୟାରେଜ ଖୋଲି ଏକା ବସିଥିବା ବେଳେ ଏକ ବାଇକ୍ ରେ ଦୁଇ ଜଣ ଦୃବୁତ୍ ଆସି ରବିନ୍ଦ୍ରଙ୍କ ଉପରକୁ ଗୁଳି ମାଡ଼ କରି ଫେରାର ହୋଇଯାଇଥିଲେ। ସ୍ଥାନୀୟ ଲୋକ ଗୁଳି ମାଡ଼ ଶବ୍ଦ ଶୁଣି ଧାଇଁ ଆସି ରବିନ୍ଦ୍ରଙ୍କୁ ରକ୍ତ ଜୁଡୁବୁଡୁରେ ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ଡାକ୍ତର ଚିକିତ୍ସା କରିବା ପୂର୍ବରୁ ରବିନ୍ଦ୍ରଙ୍କ ମୃତ୍ୟୁ ହୋଇସାରିଥିବା ଡାକ୍ତର ଘୋଷଣା କରିଥିଲେ। ତେବେ ରବିନ୍ଦ୍ର ମୃତ୍ୟୁ ଖବର ବିଜୁଳି ବେଗରେ ଗତି କରାଯାଇଥିଲା । ରବିନ୍ଦ୍ର କିଏ ଓ କାହିଁକି ଗୁଳି କରି ହତ୍ୟା କଲା ତାକୁ ନେଇ ପ୍ରଶ୍ନ ଉଠୁଥିବା ବେଳେ ପୋଲିସ ମୃତ ଶରୀର ଜବତ କରି ପ୍ରାଥମିକ ତଦନ୍ତ ଆରମ୍ଭ କରିଛି। ଏହାକୁ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଛି।