ନୟାଗଡ଼, (ଓଡ଼ିଶା ଲେଖା): ବର୍ତ୍ତମାନର ବଡ଼ ପରିବର୍ତ୍ତନ। ପୁଣି ବଦଳିଲା ଗୃହ ବିଭାଗର ଅର୍ଡର। ଦୁଇ ଦିନ ତଳେ ରାଜ୍ୟ ସରକାରଙ୍କ ଗୃହ ବିଭାଗ ପକ୍ଷରୁ ଏକ ବଦଳି ଅର୍ଡର ପ୍ରକାସ ପାଇଥିଲା। ଯେଉଁଥିରେ କି ଆଇପିଏସ ଓ ଓପିଏସ୍ ୧୮ଜଣଙ୍କର ବିଭିନ୍ନ୍ ବିଭାଗ ଓ ଜିଲ୍ଲାକୁ ବଦଳି କରଯାଇଥିଲା। ପୂର୍ବରୁ ପ୍ରକାଶ ପାଇଥିବା ବଦଳି ଅର୍ଡରରେ ନୟାଗଡ଼ ଆରକ୍ଷୀ ଅଧିକ୍ଷକ ଏସ ସୁଶ୍ରୀଙ୍କୁ ଭିଜିଲାନ୍ସ ଆରକ୍ଷୀ ଅଧିକ୍ଷକ ଭାବରେ ବଦଳି କରାଯାଇଥିବା ବେଳେ ତାଙ୍କ ସ୍ଥାନରେ କଟକ ସିବି-ସିଆଇଡି (CB-CID) ଭାବେ କାର୍ଯ୍ୟରତ ପରମାର ସ୍ମିତ ପୁରୁଷୋତ୍ତମ ଦାସଙ୍କୁ ବଦଳି କରାଯାଇ ନୟାଗଡ଼ ଜିଲ୍ଲାର ଆରକ୍ଷୀ ଅଧିକ୍ଷକ ଭାବେ ନବ ନିଯୁକ୍ତ କରାଯାଇଥିଲା। ତେବେ ଆଜି ସେହି ବଦଳିକୁ ନେଇ ପୁଣି ଏକ ପରିବର୍ତ୍ତନ ହୋଇଥିବା ଦେଖିବାକୁ ମିଳିଛି। କଟକ ସିବି-ସିଆଇଡି (CB-CID) ଭାବେ କାର୍ଯ୍ୟରତ ପରମାର ସ୍ମିତ ପୁରୁଷୋତ୍ତମ ଦାସ ନୟାଗଡ଼ ଜିଲ୍ଲାର ଆରକ୍ଷୀ ଅଧିକ୍ଷକ ଭାବରେ ଯୋଗ ଦେବା ପୂର୍ବରୁ ପୁଣି ତାଙ୍କୁ ଖୋର୍ଦ୍ଧା ଜିଲ୍ଲାକୁ ବଦଳି କରାଯାଇଥିବା ବେଳେ ଖୋର୍ଦ୍ଧା ଜିଲ୍ଲାର ନବ ନିଯୁକ୍ତ ପାଇଥିବା ଆରକ୍ଷୀ ଅଧିକ୍ଷକ ୨୦୧୯ ଵ୍ୟାଚ୍ ର ଆଇପିଏସ୍ ଶୁଭେନ୍ଦୁ କୁମାର ପାତ୍ରଙ୍କୁ ନୟାଗଡ଼ ଜିଲ୍ଲାର ନୂଆ ଆରକ୍ଷୀ ଅଧିକ୍ଷକ ଭାବେ ଗୃହ ବିଭାଗ ନିଯୁକ୍ତ କରାଯାଇଛି। ତେବେ ଏହାକୁ ନେଇ ବିଭିନ୍ନ୍ ମହଲରେ ଶୁଭେଚ୍ଛାର ସୁଅ ଛୁଟିଥିବା ବେଳେ ବୁଦ୍ଧିଜୀବୀଙ୍କ ମହଲରେ ତତକାଳ ବଦଳି ଅର୍ଡର ପରିବର୍ତ୍ତନକୁ ନେଇ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି।
