ଆଇପିଏସ୍ ସ୍ତରରେ ବଡ଼ ଧରଣର ବଦଳି:ନୟାଗଡ଼ର ନୂତନ ଆରକ୍ଷୀ ଅଧିକ୍ଷକ ପରମାର ସ୍ମିତ ପୁରୁଷୋତ୍ତମଦାସ

ନୟାଗଡ଼, (ଓଡ଼ିଶା ଲେଖା): ରାଜ୍ୟ ସରକାରଙ୍କ ଗୃହ ବିଭାଗ ପକ୍ଷରୁ ଏକ ବିଜ୍ଞପ୍ତି ଜାରି କରାଯାଇଛି। ଗୃହ ବିଭାଗର ବିଜ୍ଞପ୍ତିରେ ଆଇପିଏସ୍ ସ୍ତରରେ ବଡ଼ ଧରଣର ବଦଳି କରାଯାଇଛି। ଗୃହ ବିଭାଗର ବିଜ୍ଞପ୍ତି ସଂଖ୍ୟା ୧୮୦୫୬ ରେ ଆଇପିଏସ୍ ଓ ଓପିଏସ ୧୮ଜଣଙ୍କର ବଦଳି ହୋଇଛି। ତେବେ ଏହାରି ଭିତରେ ନୟାଗଡ଼ ଆରକ୍ଷୀ ଅଧିକ୍ଷକ ଏସ ସୁଶ୍ରୀଙ୍କୁ ଭିଜିଲାନ୍ସ ବିଭାଗର ଆରକ୍ଷୀ ଅଧିକ୍ଷକ ଭାବେ ବଦଳି କରାଯାଇଥିବା ବେଳେ କଟକ ସିବି-ସିଆଇଡି (CB-CID) ଭାବେ କାର୍ଯ୍ୟରତ ପରମାର ସ୍ମିତ ପୁରୁଷୋତ୍ତମ ଦାସଙ୍କୁ ବଦଳି କରାଯାଇ ନୟାଗଡ଼ ଜିଲ୍ଲାର ଆରକ୍ଷୀ ଅଧିକ୍ଷକ ଭାବେ ନିଯୁକ୍ତ କରାଯାଇଛି। ଗୋଟିଏ ପଟେ ରାଜ୍ୟରେ ଆଇନ୍ ଶୃଙ୍ଖଳା ବିପର୍ଯ୍ୟସ୍ତ ହୋଇପଡିଥିବା ବେଳେ ଗୃହ ବିଭାଗର ବଡ଼ ଧରଣର ବଦଳିରେ ବିପର୍ଯ୍ୟସ୍ତ ଆଇନ୍ ଶୃଙ୍ଖଳାରେ ସୁଧାର ଆସିବାରେ ସହାୟକ ହେବ ବୋଲି ରାଜ୍ୟର ଜନସାଧାରଣ ଆଶାବାନ୍ଧି ବସିଛନ୍ତି। ଆଇପିଏସ୍ ଶ୍ରୀଯୁକ୍ତ ଦାସ ପୂର୍ବରୁ ଝାରସୁଗୁଡ଼ା, ବରଗଡ଼ ଓ ମୟୂରଭଞ୍ଜ ଜିଲ୍ଲାର ଆରକ୍ଷୀ ଅଧିକ୍ଷକ ଭାବେ ସୂଚାରୁ ରୂପେ କାର୍ଯ୍ୟ ସମ୍ପାଦନା କରିଥିଲେ। ତେବେ ଆଗାମୀ ଏହି ବଦଳି ବିଜ୍ଞପ୍ତି ଆଇନ୍ ଶୃଙ୍ଖଳାରେ କିପରି ସୁଧାର ଆଣିପରୁଛନ୍ତି ତାହା ଦେଖିବାକୁ ମିଳିଛି। ନୟାଗଡ଼ ଜିଲ୍ଲାର ନୂତନ ଆରକ୍ଷୀ ଅଧୀକ୍ଷକ ଶ୍ରୀଯୁକ୍ତ ଦାସଙ୍କୁ ବିଭିନ୍ନ ସ୍ଥାନରୁ ଶୁଭେଚ୍ଛାର ସୁଅ ସୋସିଆଲ ମିଡ଼ିଆରେ ଛୁଟିବାରେ ଲାଗିଛି। ଏବଂ ଗୃହ ବିଭାଗର ପ୍ରକାଶ କରାଯାଇଥିବା ବିଜ୍ଞପ୍ତି ଟି ସମ୍ପୂର୍ଣ ଓଡ଼ିଆ ଭାଷାରେ ପ୍ରକାଶ କରାଯାଇଥିବାରୁ ‘ ଓଡ଼ିଶା ଲେଖା ‘ ପରିବାର ତରଫରୁ ଗୃହ ବିଭାଗକୁ କୃତଜ୍ଞତା ଜ୍ଞାପନ କରିଛନ୍ତି।