ନୟାଗଡ଼, (ଓଡ଼ିଶା ଲେଖା): କଥା ଦେଈ ଭଣ୍ଡେଇ ଦେଲେ ମୋହନ ସରକାର। ସରକାରକୁ ଆସିବା ପୁର୍ବରୁ ଦେଇଥିବା ପ୍ରତିଶୃତି, ସରକାର କୁ ଆସିଲା ପରେ ଭୁଲି ଗଲେ ମୋହନ ସରକାର। ବଦଳିଗଲା ନିଜର ଆଭିମୁଖ୍ୟ। ଯାହାକୁ ନେଇ ଉତ୍କଳ ସାମ୍ବାଦିକ ସଂଘର ସାମ୍ବାଦିକ ମାନେ ଶ୍ରମିକ ଦିବସରେ କଳା ବ୍ୟାଚ୍ ପରିଧାନ କରି ନିଆରା ଢ଼ଙ୍ଗରେ ପ୍ରତିବାଦ କରିଛନ୍ତି। ନୟାଗଡରେ ଉତ୍କଳ ସାମ୍ବାଦିକ ସଂଘର ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି ।
ସାମ୍ବାଦିକମାନଙ୍କର ୬ଦଫା ଦାବି ପୁରଣ ପାଇଁ ଉତ୍କଳ ସାମ୍ବାଦିକ ସଂଘର ସଦସ୍ଯମାନେ ସାରା ରାଜ୍ଯରେ ଗତ ୨୯ତାରିଖରେ ମୂଖ୍ଯମନ୍ତ୍ରୀଙ୍କ ଉଦ୍ଦେଶ୍ଯରେ ଦାବିପତ୍ର ପ୍ରଦାନ ପରେ ଆଜି କଳାବ୍ଯାଚ୍ ପରିଧାନ କରି ପ୍ରତିବାଦ କରିଛନ୍ତି । ନୟାଗଡ ଜିଲ୍ଲା ଉତ୍କଳ ସାମ୍ବାଦିକ ସଂଘର ଶତାଧିକ ସାମ୍ବାଦିକମାନେ ଆଜି ଏକାଠି ହୋଇ କଳାବ୍ଯାଚ ପିନ୍ଧି ପ୍ରତିବାଦ କରିଛନ୍ତି । ଏହିଅବସରରେ ସାମ୍ବାଦିକ ଭବନ ପରିସରରେ ଆୟୋଜିତ ଜିଲ୍ଲାକାର୍ଯ୍ଯକାରିଣୀ ବୈଠକ ଓ ପ୍ରତିବାଦ ସଭାରେ ସଂଘର ରାଜ୍ଯସଭାପତି ବିଭୂତିଭୂଷଣ କର, ଉପଦେଷ୍ଟା ପବିତ୍ର ମହାରଥା, ଜିଲ୍ଲା ସଭାପତି ଶ୍ରୀକାନ୍ତ ଖଟେଇ ଏବଂ ସମ୍ପାଦକ ବୈଦ୍ୟଭୂଷଣ ମହାପାତ୍ର ଯୋଗଦେଇ ସାମ୍ବାଦିକମାନଙ୍କ ନାର୍ଯ୍ଯ ଦାବିକୁ ମାନିନବାକୁ ସରକାରଙ୍କୁ ଅନୁରୋଧ କରିଛନ୍ତି।
ସରକାର ଦାବିପୁରଣ ନକଲେ ଆଗାମୀ ଦିନରେ ଆନ୍ଦୋଳନକୁ ତୀବ୍ର କରାଯିବ ବୋଲି ରାଜ୍ଯ ସଭାପତି ଚେତାବନୀ ଦେଇଛନ୍ତି। ତତ୍ ସହିତ ରାଜ୍ୟ ସଭାପତି ଶ୍ରୀଯୁକ୍ତ କରଙ୍କ ପାଖକୁ ଏକ ଦୁଃଖଦ ଖବର ପହଞ୍ଚିଥିଲା। ଯେ, ଉତ୍କଳ ସାମ୍ବାଦିକ ସଂଘ ବରିଷ୍ଠ ସଦସ୍ୟ ସାମ୍ବାଦିକ ଦେବ ପ୍ରସାଦ ମିଶ୍ରଙ୍କ ଅକାଳ ବିୟୋଗ ଘଟିଛି। ତେଣୁ ସାମ୍ବାଦିକ ଭବନ ପରିସରରେ ଥିବା ସମସ୍ତ ସାମ୍ବାଦିକ ବନ୍ଧୁ ମାନେ ବରିଷ୍ଠ ସଦସ୍ୟ ସାମ୍ବାଦିକ ଦେବ ପ୍ରସାଦ ମିଶ୍ରଙ୍କ ପରଲୋକରେ ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଏକ ମିନିଟ୍ ନିରବ ପ୍ରାର୍ଥନା କରି ସଭା କାର୍ଯ୍ୟ ଆଗକୁ ବଢ଼ିଥିଲା।
ବିଭିନ୍ନ ବ୍ଲକରୁ ଆସିଥିବା ଉତ୍କଳ ସାମ୍ବାଦିକ ସଂଘର ସଭାପତି ଓ ସମ୍ପାଦକ ମାନେ ଆଗାମୀ ଦିନରେ ରାଜ୍ୟ ସରକାରଙ୍କ ଉପରେ କିପରି ପଦକ୍ଷେପ ନେଇ ଆନ୍ଦୋଳନ କରାଯିବ ସେ ନେଇ ମତବ୍ୟକ୍ତ କରିଥିଲେ। ଏବଂ ସାମ୍ବାଦିକ ମାନଙ୍କ ହକ୍ ପାଇଁ ଉତ୍କଳ ସାମ୍ବାଦିକ ସଂଘ ଯେତେ ବେଳେ ଓ ଯେଉଁ ମୁହୃତରେ ଆନ୍ଦୋଳନର ଡାକରା ଦେବ ନୟାଗଡ଼ ଜିଲ୍ଲା ଉତ୍କଳ ସାମ୍ବାଦିକ ସଂଘ ସଦାସର୍ବଦା ତେୟାର ଅଛି କହି ରାଜ୍ୟ ସଭାପତି ଶ୍ରୀଯୁକ୍ତ କରଙ୍କ ହାତମୁଠାକୁ ମଜଭୁତ୍ କରାଯିବ ବୋଲି ପ୍ରତିଶୃତି ଦେଇଥିଲେ। ଆଜିର କାର୍ଯ୍ୟକ୍ରମକୁ ଉତ୍କଳ ସାମ୍ବାଦିକ ସଂଘ ବରିଷ୍ଠ ସାମ୍ବାଦିକ ରାମକୃଷ୍ଣ ରଥ ସଂଯୋଜନ କରିଥିବା ବେଳେ ବିଭିନ୍ନ ବ୍ଲକ୍ ରୁ ଆସିଥିବା ସାମ୍ବାଦିକ ବନ୍ଧୁ ମାନଙ୍କୁ ଉପଢ଼ୌକନ୍ ଦେଇ ସମ୍ବର୍ଦ୍ଧିତ କରାଯାଇଥିଲା।
