ନୟାଗଡ଼, (ଓଡ଼ିଶା ଲେଖା): ନୟାଗଡ଼ ପଞ୍ଚାୟତ ସମିତି ମିନି ସମ୍ମିଳନୀ କକ୍ଷରେ ଅବସରକାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି। ସରକାରୀ ଚାକିରୀରେ ଦୀର୍ଘ ବର୍ଷ ସୁଚାରୁ ରୁପେ କାର୍ଯ୍ୟ କରି ଆସୁଥିବା ଭାଟସାହି ଗ୍ରାମର ପବିତ୍ର କୁମାର ମଲ୍ଲ ଆଜି ସରକାରୀ ଚାକିରୀରୁ ଅବସର ନେଇଛନ୍ତି। ତାଙ୍କୁ ନୟାଗଡ଼ ଗୋଷ୍ଠୀ ଉନ୍ନୟନ ଅଧିକାରୀ ଐଶ୍ୱର୍ଯ୍ୟା ଭୂୟାଁଙ୍କ ସଭାପତିତ୍ୱ ଆୟୋଜିତ ସମ୍ବର୍ଦ୍ଧନା ଉତ୍ସବରେ ପଂଚାୟତ ସମିତି ଅଧ୍ୟକ୍ଷ କିଶୋର ଚନ୍ଦ୍ର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ପଞ୍ଚାୟତ ସମିତିର ସମସ୍ତ କର୍ମଚାରୀ ପଞ୍ଚାୟତ ନିର୍ବାହୀ ଅଧିକାରୀ ପବିତ୍ର କୁମାର ମଲ୍ଲଙ୍କ କାମ କରିବା ଥିବା ସଂମ୍ପର୍କରେ ବକ୍ତବ୍ୟ ରଖିଥିଲେ।
ଶ୍ରୀଯୁକ୍ତ ମଲ୍ଲ ଜଣେ ସଚ୍ଚୋଟ ଓ ନିଷ୍ଠାପର କର୍ମଚାରୀ ଭାବେ ନୟାଗଡ ରେ ଖୁବ୍ ପରିଚିତ ହୋଇପାରିଥିଲେ। ସମସ୍ତ କର୍ମଚାରୀ ଉପସ୍ଥିତ ରହି ପୁଷ୍ପଗୁଚ୍ଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରି ବିଦାୟ ଦେଇଥିଲେ। ସେହିପରି ଭାବେ ଇଟାମାଟି ପଞ୍ଚାୟତରେ ମଧ୍ୟ ପଞ୍ଚାୟତ ନିର୍ବାହୀ ଅଧିକାରୀ ପବିତ୍ର କୁମାର ମଲ୍ଲଙ୍କୁ ବିଦାୟକାଳୀନ ସମ୍ବର୍ଦ୍ଧନା ଜଣାଇଛନ୍ତି। ଇଟାମାଟି ସରପଞ୍ଚ ସ୍ୱପ୍ନେସ୍ୱରି ସେଠୀଙ୍କ ତତତ୍ୱାବଧାନରେ ଆୟୋଜିତ ବିଦାୟ କାଳୀନ ସଭାରେ ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ପଞ୍ଚାୟତ ନିର୍ବାହୀ ଅଧିକାରୀ ଶ୍ରୀଯୁକ୍ତ ମଲ୍ଲଙ୍କୁ ପୁଷ୍ପଗୁଚ୍ଛ, ଉତ୍ତରୀୟ ଓ ମାନପତ୍ର ଦେଇ ବିଦାୟ କାଳୀନ ସମ୍ବର୍ଦ୍ଧନା ଜଣାଇଥିଲେ।
