ଅଜଣା ଗାଡି ଧକ୍କାରେ ଜଣେ ମୃତ୍ୟୁ:ଗାଡ଼ିର ସନ୍ଧାନ କରୁଛି ପୋଲିସ

ନୟାଗଡ଼, (ଓଡ଼ିଶା ଲେଖା): ୫୭ ନମ୍ୱର ଜାତୀୟ ରାଜପଥର ନୟାଗଡ଼ ବାଇପାସ୍ ରେ ଦିନ କୁ ଦିନ ଦୁର୍ଘଟଣା ସଂଖ୍ୟା ବଢ଼ିବାରେ ଲାଗିଛି। ତେବେ ନୟାଗଡ଼ ବାଇପାସରେ ଅଜଣା ଗାଡି ଧକାରେ ଜଣେ ୨୭ ବର୍ଷିୟ ଯୁବକଙ୍କ ମୃତ୍ୟୁ ହୋଇଛି । ମୃତକ ଜଣ ହେଉଛନ୍ତି ଇଟାମାଟି ଥାନା ଚନ୍ଦ୍ରଶେଖରପୁର ଗାଁର ରମେଶ ସାହୁଙ୍କ ପୁଅ ମାନସ । ଅପରାହ୍ନ ସମୟରେ ମାନସ ସାହୁ ନିଜ କାମ ସାରି ବାଇକ ଯୋଗେ ବାଇପାସ ରାସ୍ତାରେ ଘରକୁ ଫେରୁଥିବା ସମୟରେ ଏକ ଅଜଣା ଗାଡି ଧକ୍କା ଦେଇଥିଲା, ଫଳରେ ଗୁରୁତର ହୋଇ ପଡ଼ିଥିଲେ ମାନସ । ବାଟରେ ଯାଉଥିବା ଲୋକ ମାନସକୁ ଦେଖି ସେଠାରୁ ଉଦ୍ଧାର କରି ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ତେବେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଇଟାମାଟି ଥାନା ପୋଲିସ ପହଞ୍ଚି ଘଟଣାର ତଦନ୍ତ ଜାରି ରଖିଛି । ଏବଂ ଅଜଣା ଗାଡ଼ିର ସନ୍ଧାନ କରୁଛି ଇଟାମାଟି ପୋଲିସ।