ଚର୍ଚ୍ଚାରେ ପଡ଼ିଲା ପୂର୍ଣ୍ଣଚ୍ଛେଦ:ବଦଳିଲେ ଖଣ୍ଡପଡ଼ାର ବିବାଦୀୟ ଏସଡିପିଓ

ନୟାଗଡ଼, (ଓଡ଼ିଶା ଲେଖା): ବର୍ତ୍ତମାନର ବଡ଼ ଖବର। ବଦଳିଲେ ଖଣ୍ଡପଡାର ବିବାଦୀୟ ଏସଡିପିଓ ମଦନ ମୋହନ ପ୍ରଧାନ। ଆଜି ଏନେଇ ନୟାଗଡ଼ ଅତିରିକ୍ତ ଆରକ୍ଷୀ ଅଧିକ୍ଷକ ସୁବାଷ ଚନ୍ଦ୍ର ପଣ୍ଡା ସୂଚନା ଦେଇଛନ୍ତି। ସୂଚନାନୁସାରେ, ଖଣ୍ଡପଡା ଏସଡିପିଓ ମଦନ ମୋହନ ପ୍ରଧାନଙ୍କ ନାମରେ ଫତେଗଡ ଥାନାରେ କେସ ନଂ ୧୧୮/୨୦୨୬ ରେ ମାମଲା ରୁଜୁ ହେବା ପରେ ବଦଳିର ନିଷ୍ପତ୍ତି ନେଇଛନ୍ତି ଜିଲ୍ଲା ଆରକ୍ଷୀ ଅଧିକ୍ଷକ ଏସ ସୁଶ୍ରୀ। ତେବେ ଏସଡିପିଓ ଶ୍ରୀଯୁକ୍ତ ପ୍ରଧାନଙ୍କ ନାମରେ ମାମଲା ହେବା ପରେ ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଥିଲା। ଏହାକୁ ଦୃଷ୍ଟିରେ ଖଣ୍ଡପଡାର ବିବାଦୀୟ ଏସଡିପିଓ ମଦନ ମୋହନ ପ୍ରଧାନଙ୍କୁ ଜିଲ୍ଲା ପୋଲିସ୍ ମୁଖ୍ୟାଳୟକୁ ବଦଳି କରାଯାଇଥିବା ବେଳେ ସୁଦୀପ୍ତ କୁମାର ସାହୁଙ୍କୁ ଖଣ୍ଡପଡାର ନୂତନ ଏସଡିପିଓ ଭାବେ ନିଯୁକ୍ତ କରାଯାଇଛି। ତେବେ ବହୁ ଚର୍ଚ୍ଚିତ ଖଣ୍ଡପଡାର ତତକାଳୀନ ଏସଡିପିଓ ଶ୍ରୀଯୁକ୍ତ ପ୍ରଧାନଙ୍କୁ ଗିରଫ କରାଯାଉ ବୋଲି ଚର୍ଚ୍ଚା ଜୋର୍ ଧରିଛି।