ପାରାଦ୍ୱୀପ ବୃନ୍ଦାବନ କଲୋନୀରେ ଭୟାନକ ଅଗ୍ନିକାଣ୍ଡ:ଦୁଇ ପରିବାର ସର୍ବସାନ୍ତ

ଭୁବନେଶ୍ଵର, (ଓଡ଼ିଶା ଲେଖା): ପାରାଦ୍ଵିପ ବୃନ୍ଦାବନ କଲୋନୀରେ ଭୟାନକ ଅଗ୍ନିକାଣ୍ଡ,  ୪ ବଖରା ପୋଡି ଯାଇ ପୁରା ପାଉଁଶ, ଦୁଇଟି ପରିବାର ସମ୍ପୂର୍ଣ ସର୍ବଶାନ୍ତ । ବିଳମ୍ବିତ ରାତିରେ ବୃନ୍ଦାବନ କଲୋନୀର ଅଶୋକ ସ୍ୱାଇଁ ଓ ବାବୁଲି ସ୍ୱାଇଁ ଙ୍କ ଘରେ କୌଣସି କାରଣରୁ ହଟାତ ନିଆଁ ଲାଗିଯିବାରୁ ଆଖି ଆଗରେ ଚାରି ବଖରା ଘର ହୁ ହୁ ହୋଇ ଜଳି ଉଠିଲା । ଅଗ୍ନି କାଣ୍ଡ ଏତେ ଭୟବହ ଥିଲା ଯେ ଏଥିରେ ସମସ୍ତ ଆସବାବପତ୍ର ପୋଡି ଯିବା ସହିତ ଗୋଟିଏ ବାଇକ ପୋଡି ନଷ୍ଟ ହୋଇଯାଇଛି। ଏହି ଅଗ୍ନିକାଣ୍ଡ ସମୟରେ ଘରେ ଥିବା ଗ୍ୟାସ ଟାଙ୍କି ଫାଟି ବିରାଟ ଶବ୍ଦ ହେବାରୁ, ସ୍ଥାନୀୟ ଲୋକ ମଧ୍ୟ ଭୟଭୀତ ହୋଇ ପଡ଼ିଥିଲେ। ତୁରନ୍ତ ଖବର ପାଇ ପାରାଦ୍ୱୀପ ଓ କୁଜଙ୍ଗର ତିନୋଟି ଦମକଳ ଗାଡି ଆସି ପହଂଚି ନିଆଁକୁ ଆୟତ କରିଥିଲେ ମଧ୍ୟ ଘର ର କୌଣସି ସାମଗ୍ରୀକୁ ସୁରକ୍ଷିତ ଉଦ୍ଧାର କରିପାରିନଥିଲେ। ଅଗ୍ନିକାଣ୍ଡରେ ପ୍ରଭାବିତ ଦୁଇଟି ପରିବାର ର ସମସ୍ତ ସଦସ୍ୟ ଏବେ ଖୋଲା ଆକାଶ ତଳେ ଥିବା ବେଳେ ସେମାନଙ୍କୁ ତୁରନ୍ତ ସହାୟତା ଯୋଗାଇବା ପାଇଁ ସେମାନେ ନିବେଦନ କରିଛନ୍ତି।