ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲା ସଦର ବ୍ଲକରେ ଯୋଗ ଦେଲେ ନୂତନ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ (ଜିପିଡିଓ)। ନୂତନ ଜିପିଡିଓ ଜଣଙ୍କ ହେଲେ ପଦୋନ୍ନତି ପାଇଥିବା ସୁରେନ୍ଦ୍ର ନାଥ ମିଶ୍ର। ଶ୍ରୀଯୁକ୍ତ ମିଶ୍ର ଦୀର୍ଘ ଦିନ ଧରି ପଞ୍ଚାୟତ ନିର୍ବାହୀ ଅଧିକାରୀ ଭାବେ ଜିଲ୍ଲାର ବିଭିନ୍ନ ପଞ୍ଚାୟତରେ ସୂଚାରୁ ରୂପେ କାର୍ଯ୍ୟ କରି ଆସିଥିବା ଯୋଗୁଁ କିଛି ଦିନ ତଳେ ପଞ୍ଚାୟତ ନିର୍ବାହୀ ଅଧିକାରୀରୁ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦକୁ ପଦୋନ୍ନତି ହୋଇଥିଲା। ତେବେ ଓଡ଼ଗାଁ ବ୍ଲକରେ ଥିବା ସମୟରେ ପଦୋନ୍ନତି ହୋଇଥିବା ବେଳେ ଦୀର୍ଘଦିନ ଧରି ନୟାଗଡ଼ ବ୍ଲକ୍ ରେ ଖାଲି ଥିବା ଗ୍ରାମ ପଞ୍ଚାୟତ ଅଧିକାରୀ ପଦକୁ ପୁରଣ କରାଯାଇଛି । ଶ୍ରୀଯୁକ୍ତ ମିଶ୍ରଙ୍କୁ ନୟାଗଡ଼ ବ୍ଲକର ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ଭାବେ ନିଯୁକ୍ତ କରାଯାଇଛି। ତେବେ ଏହାରି ଭିତରେ ଶ୍ରୀଯୁକ୍ତ ମିଶ୍ର ଜିପିଡିଓ ଚାର୍ଜରେ ତୁଷାର କାନ୍ତ ରାଉତଙ୍କ ଠାରୁ ଦାୟିତ୍ଵ ଗ୍ରହଣ କରିଥିବା ସୂଚନା ମିଳିଛି। ଶ୍ରୀଯୁକ୍ତ ମିଶ୍ର ଦାୟୀତ୍ଵ ନେବାପରେ ସହଯୋଗୀ କର୍ମଚାରୀ ମାନେ ପୁଷ୍ପଗୁଚ୍ଛ ଦେଇ ସ୍ଵାଗତ ଜଣାଇବା ସହ ଶୁଭେଚ୍ଛା ଜଣାଇଥିଲେ।
