ନୟାଗଡ଼, (ଓଡ଼ିଶା ଲେଖା): ନୟାଗଡ଼ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ୭୯ତମ ସ୍ୱାଧୀନତା ଦିବସ ମହାସମାରୋହରେ ପାଳିତ ହୋଇଯାଇଛି। ବିଶ୍ୱହିନ୍ଦୁ ପରିଷଦ ର ଜିଲ୍ଲା ଉପସଭାପତି ଚନ୍ଦ୍ରଭାନୁ ବରାଡ଼ ଦୀପ ପ୍ରଜ୍ବଳନ କରିଥିଲେ ପରିଚାଳନା ସମିତିର ସଭାପତି କେଶବ ଚନ୍ଦ୍ର ରାଉତରାୟ ମୁଖ୍ୟ ଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ। ଭାରତର ସ୍ୱାଧୀନତାରେ ଯେଉଁ ବୀରପୁରୁଷ ମାନେ ସେମାନଙ୍କ ଜୀବନକୁ ବାଜିଲାଗାଇ ଭାରତ କୁ ସ୍ୱାଧୀନତା ର ସ୍ୱାଦ ଦେଇଥିଲେ ସେମାନେ ଆମପାଇଁ ଚିର ସ୍ମରଣୀୟ ବୋଲି ବକ୍ତବ୍ୟ ରଖିଥିଲେ।
ଏହାପରେ ବିଦ୍ୟାଳୟ ରେ ଜନ୍ମାଷ୍ଟମୀ ଉତ୍ସବ ପାଳନ କରାଯାଇଥିଲା। ପ୍ରାୟ ୧୦୦ରୁ ଉର୍ଦ୍ଧ୍ଵ ଶିଶୁ ଭାଇଭଉଣୀ ରାଧାକୃଷ୍ଣ,ବଳରାମ ବେଶରେ ସଜେଇ ହୋଇ କାର୍ଯ୍ୟକ୍ରମରେ ଯୋଗ ଦେଇଥିଲେ। ପାଣିଭଣ୍ଡାର ଆଶ୍ରମର ସନ୍ଥ ସନାତନ ଦାସ ମହାରାଜ ଯୋଗଦେଇ ଶ୍ରୀକୃଷ୍ଣ ଜନ୍ମବୃତ୍ତାନ୍ତ ଅତ୍ୟନ୍ତ ସରସ ସୁନ୍ଦର ଓ ସାବଲୀଳ ଭାଷାରେ ପ୍ରବଚନ ଦେଇଥିଲେ। ଏହି ସମୟରେ ବିଦ୍ୟାଳୟର ପ୍ରାଙ୍ଗଣ ସତେ ଯେପରି ବୃନ୍ଦାପୁରୀ ଭଳି କୃଷ୍ଣମୟ ହୋଇଯାଇଥିଲା।
