ନୟାଗଡ଼, (ଓଡ଼ିଶା ଲେଖା): ବର୍ତ୍ତମାନର ବଡ଼ ଖବର । ହାତରେ ବୋମା ଫୁଟି ଜଣେ ଛାତ୍ର ଗୁରୁତର ହୋଇଥିବା ଜଣାପଡିଛି । ଗୁରୁତର ଛାତ୍ର ଜଣଙ୍କୁ ପ୍ରଥମେ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ପରେ ତାଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଛି । ଛାତ୍ର ଜଣଙ୍କ ପିଜୁଳି ଖାଇବାକୁ ଗାଁ ମୁଣ୍ଡରେ ଥିବା ଏକ ବ୍ରିଜ ନିକଟକୁ ଯାଇଥିଲେ । ସେଠାରେ ଏକ କାଗଜ ଗୁଳାକୁ ପଥର ଭାବି ଉଠାଇଲେ ବେଳେ ବୋମା ଟି ହାତରେ ଫୁଟିଥିଲା । ଛାତ୍ରଙ୍କ ବାମ ହାତଟି ସଂମ୍ପୂର୍ଣ୍ଣ ନଷ୍ଟ ହୋଇଥିବା ବେଳେ ସ୍ଥାନୀୟ ଲୋକ ଉଦ୍ଧାର କରି ପ୍ରଥମେ ନୟାଗଡ଼ ମୁଖ୍ୟ ଚିକିତ୍ସାଳୟ ଆଣିଥିଲେ ଏବଂ ଅବସ୍ଥା ସଙ୍କଟାପର୍ଣ୍ଣ ଥିବାରୁ ଡାକ୍ତର ତାଙ୍କୁ ଭୁବନେଶ୍ୱର ସ୍ଥାନାନ୍ତର କରିଥିବା ଜଣାପଡିଛି । ଏଭଳି ଅଭାବନୀୟ ଘଟଣା ଘଟିଛି ଓଡ଼ଗାଁ ଥାନା ଅନ୍ତର୍ଗତ ଗୁମି ଅଞ୍ଚଳରେ । ଗୁମି ଗାଁର ବୃନ୍ଦାବନ ନିଶଙ୍କଙ୍କ ପୁଅ ଡାକ କାପ୍ତାପଲ୍ଲି ବିଦ୍ୟାଳୟରେ ଦଶମ ଶ୍ରେଣୀରେ ପାଠ ପଢନ୍ତି । ଆଜି ଡାକ ସ୍କୁଲରୁ ଫେରିବା ପରେ ଘରେ ବ୍ଯାଗ୍ ରଖି କୋଳି ଖାଇବା ପାଇଁ ବାହାରକୁ ଯାଇଥିଲେ । ଘରଠାରୁ ପ୍ରାୟ ୧କିମି ଦୁର କାମ୍ପେଲା ରାସ୍ତାରେ ଥିବା ଏକ ବ୍ରିଜ୍ କଡରେ ଏକ ସୁତୁଲି ଗୁଡା ହୋଇଥିବା ଜିନିଷ ପଡିଥିବା ଦେଖି ଡାକ ତାକୁ ଉଠାଇବା ସମୟରେ ତାହା ହଠାତ୍ ଫୁଟି ଯାଇଥିଲା । ଫଳରେ ଡାକର ଦୁଇ ହାତ , ମୁହଁ ଏବଂ ଜଙ୍ଘରେ ଗଭିର ଆଘାତ ଲାଗିଛି । ରାସ୍ତାରେ ଯାଉଥିବା ଲୋକମାନେ ଡାକର ଏପରି ଅବସ୍ଥା ଦେଖି ତାଙ୍କ ପରିବାରଲୋକଙ୍କୁ ଖବର ଦେଇଥିଲେ । ରାସ୍ତାକଡରେ ବାଣ କେଉଁଠୁ ଆସିଲା ତାକୁ ନେଇ ପ୍ରଶ୍ନ ଉଠୁଥିବାବେଳେ ବାର୍ହା ଶିକାର ପାଇଁ କେହି ବାଣ ରଖିଥିବା ଚର୍ଚ୍ଚା ହେଉଛି ।
