କଟକ ଜିଲ୍ଲା ପୋଲିସରେ ବଡ଼ ଧରଣର ବଦଳି: ବଡ଼ମ୍ବା ଥାନାରେ ନୂତନ ଇନ୍ସପେକ୍ଟରଙ୍କୁ ନିଯୁକ୍ତ

ନରସିଂହପୁର, (ଓଡ଼ିଶା ଲେଖା): କଟକ ଗ୍ରାମାଞ୍ଚଳ ଆରକ୍ଷୀ ଅଧିକ୍ଷକଙ୍କ ପରାମର୍ଶ କ୍ରମେ ଇନ୍ସପେକ୍ଟର ସ୍ତରରେ ବଡ଼ ଧରଣର ବଦଳି ଓ ଅଦଳ ବଦଳ କରାଯାଇଛି । ଆଜି ୧୯ଜଣ ଇନ୍ସପେକ୍ଟରଙ୍କ ବଦଳି ଓ ଅଦଳ ବଦଳ କରିଛନ୍ତି କଟକ ଆରକ୍ଷୀ ଅଧିକ୍ଷକ ବିନିତ୍ ଅଗ୍ରୱାଲ। ତେବେ ଏସଆଇରୁ ଇନ୍ସପେକ୍ଟର ପାହ୍ୟାକୁ ପଦୋନ୍ନତି ହୋଇଥିବା ଇନ୍ସପେକ୍ଟର ପରମାନନ୍ଦ ନାୟକଙ୍କୁ ବଡ଼ମ୍ବା ଥାନାର ଆଇଆଇସି ଭାବେ ନିଯୁକ୍ତ କରାଯାଇଛି। ସେହିପରି ବୈଦ୍ୟସ୍ୱର ଥାନାର ସଞ୍ଜୟ କୁମାର ଜେନାଙ୍କୁ ଜିଲ୍ଲା ମୁଖ୍ୟାଳୟକୁ ବଦଳି କରାଯାଇଥିବା ବେଳେ କିଶାନ ନଗର ଥାନାର ଦୁର୍ଗେଶ ନନ୍ଦିନୀ ମହାନ୍ତିଙ୍କୁ ବୈଦ୍ୟସ୍ୱର ଥାନା ଅଧିକାରୀ ଭାବେ ନିଯୁକ୍ତ କରାଯାଇଛି। ଇନ୍ସପେକ୍ଟର ତପନ କୁମାର କରଙ୍କୁ ନରସିଂହପୁର ଥାନା, ସୁଶୀଲ କୁମାର ନାୟକଙ୍କୁ କାନପୁର ଥାନା, ବିଜୟ କୁମାର ମଲ୍ଲିକଙ୍କୁ ମାଣିଆବନ୍ଧ ଥାନାରେ ନିଯୁକ୍ତ କରାଯାଇଛି। ସେହିପରି ନିଆଳି, ସାଲେପୁର, ଟାଙ୍ଗି, ଖୁଣ୍ଟୁଣି, କିଶାନ ନଗର, ନିଶ୍ଚିତକୋଇଲି, ନେମାଳ, ଗୋବିନ୍ଦପୁର, ଯୁଡ଼ୁମ୍, ଗୁରୁଡ଼ିଜିହାତିଆ ଥାନା ମାନଙ୍କରେ ଆଇଆଇସି ନିଯୁକ୍ତ କରାଯାଇଛି। ନିଯୁକ୍ତ ହୋଇଥିବା ଥାନା ଗୁଡ଼ିକରେ ତୁରନ୍ତ ଯାଇ ଯୋଗ ଦେବାକୁ ନିର୍ଦ୍ଦେଶ ଜାରି କରିଛନ୍ତି ଆରକ୍ଷୀ ଅଧିକ୍ଷକ ଶ୍ରୀଯୁକ୍ତ ଅଗ୍ରୱାଲ।