ବାଲିଗୁଡ଼ା ଥାନାର ନୂତନ ଆଇଆଇସି ହେଲେ ଶିବରଞ୍ଜନ ସିଂହା

ଓଡ଼ିଶା ଲେଖା ଅଫିସ୍: କନ୍ଧମାଳ ପୋଲିସରେ ସାମାନ୍ୟ ବଦଳି ଓ ନୂତନ ଆଇଆଇସି ନିଯୁକ୍ତ କରାଯାଇଛି । କନ୍ଧମାଳ ପୋଲିସ ମୁଖ୍ୟାଳୟ ଅଧୀନରେ ଥିବା ୪ଟି ଥାନାର ଆଇଆଇସିଙ୍କୁ ବଦଳି ଓ ନୂତନ ନିଯୁକ୍ତ କରାଯାଇଛି । କନ୍ଧମାଳ ପୋଲିସ ମୁଖ୍ୟାଳୟରେ ନୂଆ କରି ଯୋଗ ଦେଇଥିବା ଶିବରଞ୍ଜନ ଶିଂହାଙ୍କୁ ବାଲିଗୁଡ଼ା ଥାନାର ଆଇଆଇସି ଭାବେ ନିଯୁକ୍ତ କରାଯାଇଥିବା ବେଳେ ସଂଗ୍ରାମ କେଶରୀ ଜେନାଙ୍କୁ ଦାରିଙ୍ଗିବାଡି ଥାନାର ଆଇଆଇସି ଭାବେ ନିଯୁକ୍ତ କରାଯାଇଛି । ଶିବରଞ୍ଜନ ଶିଂହା ପୂର୍ବରୁ ଢେଙ୍କାନାଳ ଓ ନୟାଗଡ଼ ଜିଲ୍ଲାରେ ଏସଆଇ ଭାବେ କାର୍ଯ୍ୟ କରି ଜନସାଧାରଣଙ୍କ ପ୍ରଶଂସାର ପାତ୍ର ହୋଇଥିବା ବେଳେ ଚଳିତ ବର୍ଷ ଅକ୍ଟୋବର ମାସରେ ରାଜ୍ୟ ସରକାର ଏସଆଇ ପାହ୍ୟାରୁ ଇନସ୍ପେକ୍ଟର ପାହ୍ୟାକୁ ପଦୋନ୍ନତି ପାଇଥିଲେ । ଏବଂ ପରବର୍ତ୍ତୀ ସମୟରେ ନୟାଗଡ଼ ଜିଲ୍ଲାରୁ କନ୍ଧମାଳ ଜିଲ୍ଲା ପୋଲିସକୁ ବଦଳି କରଯାଇଥିଲା । ସେହିପରି ବାଲିଗୁଡ଼ା ଥାନାରେ କାର୍ଯ୍ୟରତ ଥିବା ସମ୍ବିତ କୁମାର ସ୍ଵାଇଁଙ୍କୁ ଚକାପାଦ ଥାନାକୁ ବଦଳି କରାଯାଇଥିବା ବେଳେ ଚକାପାଦ ଆଇଆଇସି ରବିନ୍ଦ୍ର କୁମାର ହେମ୍ବ୍ରମଙ୍କୁ କନ୍ଧମାଳ ସଦର ଥାନାର ଅତିରିକ୍ତ ଆଇଆଇସି ଭାବେ ବଦଳି କରିଛନ୍ତି କନ୍ଧମାଳ ଜିଲ୍ଲା ଆରକ୍ଷୀ ଅଧିକ୍ଷକ ହରିଶ୍ ବିଶି । ବଦଳି ହୋଇଥିବା ଥାନାରେ ତୁରନ୍ତ ଯୋଗ ଦେବାକୁ ନିର୍ଦ୍ଦେଶ ଦିଆଯାଇଛି ।