ଶାସକ ଦଳ ନେତାଙ୍କ ଅପାରଗତା:ନୂତନ ଏନଏସି ତାଲିକାରୁ ବାଦ୍ ପଡ଼ିଲା ନୟାଗଡ଼ ଜିଲ୍ଲା

ନୟାଗଡ଼, (ଓଡ଼ିଶା ଲେଖା): ଚଳିତ ସରକାରରେ ନୟାଗଡ଼ ଜିଲ୍ଲାର ଦୁଇ ପାୱାର ଫୁଲ ଶାସକ ଦଳର ସଦସ୍ୟ ସଦସ୍ୟା ଥିବା ବେଳେ ନୟାଗଡ଼ ଜିଲ୍ଲାକୁ ନର୍କ କୁ ଠେଲି ଦେଇଥିବା ଆଲୋଚନା କରାଯାଉଛି । ବିଜେଡ଼ି ସରକାର ସମୟରେ ନୟାଗଡ଼ ଜିଲ୍ଲାର ଦୁଇଟି ପର୍ଯ୍ୟଟନ କ୍ଷେତ୍ର କଣ୍ଟିଲୋ ଓ ଶରଣକୁଳ ଅଞ୍ଚଳକୁ ନୂତନ (ଏନଏସି)  କରିବା ପାଇଁ ଘୋଷଣା କରିଥିଲେ । ଏହାକୁ ନେଇ ଆନ୍ଦୋଳନ ତେଜିଥିଲା ଏବଂ ବାଣିଜ୍ୟର ପେଣ୍ଠସ୍ଥଳୀ ରାଜସୁନାଖଳା ଅଞ୍ଚଳକୁ (ଏନଏସି)  କରିବା ପାଇଁ ସ୍ଥାନୀୟ ଅଞ୍ଚଳର ଯୁବ ସାମ୍ବାଦିକ ଜଣଙ୍କ ସାଧାରଣ ନିର୍ବାଚନ ପୁର୍ବରୁ ଆମରଣ ଅନସନରେ ବସିଥିଲେ । ଏବଂ ଆଚରଣ ବିଧି ଯୋଗୁଁ ସମ୍ଭପର ନୁହେଁ, ପରବର୍ତୀ ସମୟରେ ଅର୍ଥାତ୍ ନିର୍ବାଚନ ପରେ ଏହାକୁ ବିଚାର କରାଯିବାର ପ୍ରତିଶ୍ରୁତି ଦେଇ ଯୁବ ସାମ୍ବାଦିକ ଜଣଙ୍କୁ ଆମରଣ ଅନଶନରୁ ଉଠାଇଥିଲେ ଅତିରିକ୍ତ ଜିଲ୍ଲାପାଳ । ନିର୍ବାଚନ ସରିଗଲା, ସରକାର ମଧ୍ୟ ବଦଳିଗଲା ତା ସାଙ୍ଗକୁ ପ୍ରତିଶ୍ରୁତି ମଧ୍ୟ ବଦଳିଗଲା । ବିଜେଡ଼ି ସରକାର ପରେ ଏବେ ବିଜେପି ସରକାର ଆସିଲା । ବିଜେପି ସରକାରରେ ନୟାଗଡ଼ ରଣପୁର ବିଧାୟିକା ସୁରମା ପାଢ଼ୀ ବାଚସ୍ପତି ହେବା ପରେ ନୟାଗଡ ଜିଲ୍ଲାବସୀ ବହୁତ୍ କିଛି ଆଶା ରଖିଥିଲେ । ବିଜେପି ଶାସିତ ବିଧାୟକ ଓ ବାଚସ୍ପତିଙ୍କ ନିର୍ବାଚନ ମଣ୍ଡଳୀରେ ଯାଉଥିଲା ଶରଣକୁଳ, କଣ୍ଟିଲୋ ଓ ରାଜ ସୁନାଖଳା ଅଞ୍ଚଳ । ନୟାଗଡ଼ ଜିଲ୍ଲା ବାଚସ୍ପତିଙ୍କୁ ପାଇଛି, ତେଣୁ ନୂତନ (ଏନଏସି) ଗଠନରେ ଏହି ଶରଣକୁଳ, ରାଜସୁନାଖଳା ଓ କଣ୍ଟିଲୋ ଅଞ୍ଚଳକୁ ପ୍ରାଧାନ୍ୟ ଦିଆଯାଇ ନୂତନ (ଏନଏସି) ଗଠନ କରିବା ପାଇଁ ଘୋଷଣା କରିପାରନ୍ତି ବୋଲି ସ୍ଥାନୀୟ ଅଞ୍ଚଳ ବାସୀ ଆଶାବାନ୍ଧି ବସିଥିଲେ । କିନ୍ତୁ ପରିଶେଷରେ ଅଞ୍ଚଳବାସୀଙ୍କୁ ନିରାଶ ହେବାକୁ ପଡ଼ିଛି । କାରଣ ମୋହନ ସରକାର ୫ଟି ପୌର ପରିଷଦ ଅଞ୍ଚଳ ଘୋଷଣା କରିଥିବା ବେଳେ ୧୪ଜିଲ୍ଲାର ୨୪ଟି ନୂତନ (ଏନଏସି) ଗଠନ କରିବାକୁ ସ୍ଵିକୃତି ପ୍ରଦାନ କରିଛନ୍ତି ।