ନେତାଙ୍କୁ ଡରାଉଛି କଳାପତାକା:ଇଟାମାଟି ଥାନାରେ ଅଟକ ମନୋଜ ସାହୁ

ନୟାଗଡ଼, (ଓଡ଼ିଶା ଲେଖା): ଶାସକ ଦଳର ନେତାଙ୍କୁ ଡରାଉଛି କଳାପତାକା । ଯାହାଫଳରେ ଧମକ ଦେଇଥିବା ନେତାଙ୍କୁ ଟାର୍ଗେଟ କରି ପୋଲିସ ଆଗୁଆ ଥାନାକୁ ଟେକି ନେଇଛି । ଧମକ ଦେଇଥିବା ନେତାଙ୍କୁ ପୋଲିସ ଥାନାରେ ଅଟକ ରଖିବା ଘଟଣା, ଶାସକ ଦଳର ନେତା ନେତ୍ରୀଙ୍କ ମନରେ ଭୟ ସୃଷ୍ଟି କରିପାରିଥିବା ନେଇ ସ୍ପଷ୍ଟ ହୋଇଛି । ହଁ ଆଜ୍ଞା ଆମେ ମେଡ଼ିକାଲ କଲେଜକୁ ନେଇ ନୟାଗଡ ଜିଲ୍ଲାରେ ନିଆଁ ଲାଗିଥିବା ବେଳେ ଜିଲ୍ଲା ମହୋତ୍ସବ ଆଜି ଠାରୁ ଆରମ୍ଭ ହେବାକୁ ଯାଉଛି । ଶାସକ ଦଳ ଓ ବିରୋଧୀ ଦଳର ନେତା ମାନଙ୍କୁ ଜିଲ୍ଲା ମହୋତ୍ସବକୁ ଅତିଥି ଭାବେ ନିମନ୍ତ୍ରଣ କରାଯାଇଛି । ଏହାକୁ ନେଇ ବରିଷ୍ଠ ନେତା ମନୋଜ କୁମାର ସାହୁ ନୟାଗଡ଼ ସଦର ମହକୁମାରେ ମେଡିକାଲ କଲେଜ କରାନଗଲେ ଶାସକ ଦଳର ନେତାଙ୍କୁ କଳାପତାକା ଦେଖାଇ ବିରୋଧ କରାଯିବ ବୋଲି ଚେତାବନୀ ଦେଇଥିଲେ । ଏହାକୁ ଦୃଷ୍ଟିରେ ରଖି ଜିଲ୍ଲା ମହୋତ୍ସବକୁ ଶାନ୍ତି ଶୃଙ୍ଖଳାର ସହ ଶୁଭାରମ୍ଭ ଲକ୍ଷ ନେଇ, ଉଦଘାଟନ ପୂର୍ବରୁ ଚେତାବନୀ ଓ ଧମକ ଦେଇଥିବା ନେତା ମନୋଜ ସାହୁଙ୍କୁ ଇଟାମାଟି ପୋଲିସ ଉଠାଇ ନେଇ ଥାନାରେ ଅଟକ ରଖିଥିବା ବିଶେଷ ସୂତ୍ରରୁ ଜଣାପଡିଛି । ଏହାକୁ ନେଇ ବୁଦ୍ଧିଜିବୀ ଓ ବିଭିନ୍ନ ସଙ୍ଗଠନ ପକ୍ଷରୁ ଦୃଢ଼ ନିନ୍ଦା କରାଯାଇଛି ।