ନୟାଗଡ଼, (ଓଡ଼ିଶା ଲେଖା): ବିଦ୍ୟୁତ୍ ବିଲ୍ ମାଧ୍ୟମରେ ଟିପିସିଓଡିଏଲ ଗ୍ରାହକ ମାନଙ୍କୁ ଶୋଷି ଆସୁଥିବା ବେଳେ ନିଜର କାମ ସଠିକ୍ ଭାବେ କରୁନଥିବା ନେଇ ଅଭିଯୋଗ ଆସିଛି । ବିପଦ ଅବସ୍ଥାରେ ଇଲେକ୍ଟ୍ରୀ ଖୁମ୍ବ ଦେଇ ଯାଉଛି ୩୩କେଭି ବିଦ୍ୟୁତ୍ ସରବରାହ । ଅଭିଯୋଗ କଲେ ବିଦ୍ୟୁତ୍ ବିଭାଗୀୟ ଯନ୍ତ୍ରୀଙ୍କ ଅଜବ ଯୁକ୍ତି କରୁଥିବା ମଧ୍ୟ ଅଭିଯୋଗ ହୋଇଛି । ଏଭଳି ଘଟଣା ଘଟିଛି ନୟାଗଡ଼ ବାରମାସୀ ଦଣ୍ଡା କଲ୍ୟାଣ ମଣ୍ଡପ ନିକଟରେ । ସୂଚନାନୁସାରେ, ନୟାଗଡ଼ ସହରର ୧୧ନମ୍ୱର୍ ୱାର୍ଡ଼ ଥିବା ବାରମାସୀ ଦଣ୍ଡା କଲ୍ୟାଣ ମଣ୍ଡପ ସମ୍ମୁଖ ଦେଇ ଯାଇଛି ୩୩କେଭି ବିଦ୍ୟୁତ୍ । କଲ୍ୟାଣ ମଣ୍ଡପ ନିକଟରେ ଥିବା ଏକ ଇଲେକ୍ଟ୍ରି ଖୁମ୍ବର ମୂଳରୁ ସଂପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ କେତେବେଳେ ବି ଝଡ଼ି ପଡ଼ିବ ତାହା କହିବା ଅସମ୍ଭବ ।
ଯାହାଫଳରେ ସ୍ଥାନୀୟ ଜନସାଧାରଣ ବହୁ ଅସୁବିଧାର ସମ୍ମୁଖୀନ ହୋଇପାରନ୍ତି । କିନ୍ତୁ ଏହାକୁ ଦୃଷ୍ଟିରେ ରଖି ସ୍ଥାନୀୟ ଜନସାଧାରଣ ଉକ୍ତ ଖୁମ୍ବ ଟି ବଦଳାଇ ନୂତନ ଖୁମ୍ବ ଲଗାଇବା ପାଇଁ ତିପିସିଓଡିଏଲ ଅଫିସରେ ଅଭିଯୋଗ କରିଥିଲେ । କିନ୍ତୁ ଟିପିସିଓଡିଏଲ ଉକ୍ତ ସ୍ଥାନରେ ନୂତନ ଖୁମ୍ବ କଣ ଲଗାଇବ, ସେ ଖୁମ୍ବ ମୁଳରେ ସିମେଣ୍ଟ ଢ଼ଳେଇ କରିଥିବା ଦେଖିବାକୁ ମିଳିଛି । ଯାହାକୁ ନେଇ ସ୍ଥାନୀୟ ଲୋକ ତିପିସିଓଡ଼ିଏଲ ଯନ୍ତ୍ରୀଙ୍କୁ ନୂତନ ଖୁମ୍ବ ଲଗାଇବାକୁ କହିବାରୁ ଯନ୍ତ୍ରୀ ଜଣଙ୍କ ଯୁକ୍ତିତର୍କ କରିବାକୁ ପଛେଇ ନଥିଲେ । ଡ୍ରେନ୍ ଉପରେ ଢ଼ଳେଇ ଠିଆ ହୋଇଥିବା ସଦୃଶ ଦେଖିବାକୁ ମିଳିଛି ।ଯଦି କେତେବେଳେ ଜୋର୍ ପବନ ହୁଏ, ତେବେ ଉକ୍ତ ସ୍ଥାନରୁ ଇଲେକ୍ଟ୍ରି ଖୁମ୍ବଟି ମୂଳରୁ ଭାଙ୍ଗି ଯିବ ଯାହାଫଳରେ ଜନସାଧାରଣ ବଡ ବିପଦରେ ପଡ଼ି ପାରନ୍ତି । ତେଣୁ ତୁରନ୍ତ ଉକ୍ତ ଇଲେକ୍ଟ୍ରି ଖୁମ୍ବଟି ବଦଳାଇ ନୂତନ ଇଲେକ୍ଟ୍ରି ଖୁମ୍ବ ଲଗାଇବାକୁ ଦାବି କରାଯାଇଛି । କିଛି ବି ଅସୁବିଧା ଘଟେ ତେବେ ବିଭାଗୀୟ କର୍ତ୍ତୃପକ୍ଷ ଦାୟୀ ରହିବେ ।
