ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲା ପୋଲିସ ମୁଖ୍ୟାଳୟ ପକ୍ଷରୁ ଆଜି ଇନସ୍ପେକ୍ଟର, ଏସଆଇ ଓ ଏଏସଆଇ ସ୍ତରରେ ଅଦଳବଦଳ କରାଯାଇଛି । ନୟାଗଡ଼ ଆରକ୍ଷୀ ଅଧିକ୍ଷକ ଏସ ସୁଶ୍ରୀଙ୍କ ନିର୍ଦ୍ଦେଶ କ୍ରମେ ହୋଇଥିବା ଅଦଳ ବଦଳରେ ରଣପୁର ଥାନାର ଅତିରିକ୍ତ ଇନସ୍ପେକ୍ଟର ଦାୟିତ୍ୱରେ ଥିବା କୃତିବାସ ହରିଚନ୍ଦନଙ୍କୁ ନୟାଗଡ଼ ଡିପିଓ ଅଫିସକୁ ବଦଳି କରାଯାଇଛି । ସେହିପରି ଭାବେ ବାହାଡ଼ାଝୋଲା ଫାଣ୍ଡିରେ କାର୍ଯ୍ୟରତ ଏସଆଇ ଏମଡି ଜାଫୁରୁଲାଙ୍କୁ ନୟାଗଡ଼ ସଦର ଥାନାକୁ ବଦଳି କରାଯାଇଥିବା ବେଳେ ରମେଶ ଚନ୍ଦ୍ର ଜେନାଙ୍କୁ ରାଜସୁନାଖେଳା ଫାଣ୍ଡିର ଭାରାପ୍ରାପ୍ତ ଫାଣ୍ଡି ଅଧିକାରୀ ଭାବେ ଦାୟିତ୍ଵ ଦିଆଯାଇଛି । ସେହିପରି ମହିଳା ଏସଆଇ ସଙ୍ଗୀତା ବିଶ୍ରାଙ୍କୁ ଚାନ୍ଦପୁର ଥାନାକୁ, ସଦର ଥାନାର ଏସଆଇ ଦୁର୍ଯୋଧନ ପଲ୍ଲେଇଙ୍କୁ ଦର୍ପନାରାୟଣପୁର ଫାଣ୍ଡିର ଦାୟିତ୍ଵ ଦିଆଯାଇଛି ଏବଂ ନୂଆଗାଁ ଥାନାର ଏସଆଇ ସୁନିତା ସାମନ୍ତରାୟଙ୍କୁ ନୟାଗଡ଼ ଥାନାକୁ ବଦଳି କରାଯାଇଛି । ଡ଼ିଆଇବି ରେ କାର୍ଯ୍ୟରତ ଏସଆଇ ଏନ ଶଙ୍କର ରାଓଙ୍କୁ ସିସି ଆଣ୍ଡ ଇଓ ପୋଲିସ୍ ଷ୍ଟେସନକୁ ବଦଳି ହୋଇଛି । ସେହିପରି ୧୦ଜଣ ଏଏସଆଇଙ୍କୁ ବିଭିନ୍ନ ଥାନାକୁ ବଦଳି କରାଯାଇଛି । ଏଏସଆଇ ମନୋରଞ୍ଜନ ପ୍ରଧାନଙ୍କୁ ଓଡ଼ଗାଁ, ଦେବରାଜ ମଲ୍ଲିକଙ୍କୁ ବାହାଡ଼ାଝୋଲା ପାଣ୍ଡିକୁ, ପ୍ରଶାନ୍ତ କୁମାର ବିଶ୍ବାଳଙ୍କୁ ନୂଆଗାଁ ଥାନାକୁ, ଦେବାଶିଷ ସେଠୀଙ୍କୁ ଫତେଗଡ ଥାନାକୁ, ଡି ରବିନ୍ ଙ୍କୁ ଚାନ୍ଦପୁର ଥାନାକୁ, ମନୋଜ କୁମାର ପାତ୍ରଙ୍କୁ ମହିପୁର ଫାଣ୍ଡିକୁ, ବାଳକୃଷ୍ଣ ଦାସଙ୍କୁ ସିସି ଆଣ୍ଡ ଇଓ ପୋଲିସ୍ ଷ୍ଟେସନକୁ, କୁଳମଣି ପ୍ରଧାନଙ୍କୁ ସଦର ଥାନାକୁ, ଶରତ ଚନ୍ଦ୍ର ବେହେରାଙ୍କୁ ଶରଣକୁଳ ଥାନା ଓ ଲଳିତ କୁମାର ବେହେରାଙ୍କୁ ସିସି ଆଣ୍ଡ ଇଓ ପୋଲିସ୍ ଷ୍ଟେସନକୁ ବଦଳି କରାଯାଇଥିବା ନେଇ ବିଜ୍ଞପ୍ତି ପ୍ରକାଶ ପାଇଛି । ବଦଳି ହୋଇଥିବା ଥାନା ଓ ଫାଣ୍ଡିରେ ତୁରନ୍ତ ଯୋଗ ଦେଇ କାର୍ଯ୍ୟ କରିବାକୁ କଡ଼ା ନିର୍ଦ୍ଦେଶ ଦିଆଯାଇଛି ।
