ନୟାଗଡ଼ ଷ୍ଟାଡିୟମ୍ ସମ୍ମୁଖରେ ଦୁର୍ଘଟଣା:ଜଣେ ମୃତ,ଜଣେ ଗୁରୁତର

ନୟାଗଡ଼, (ଓଡ଼ିଶା ଲେଖା): ଦୃତ ଗତି ମହାବିପତି। ଶୀତୁଆ ରାତିରେ ଦୃତ ଗତିରେ ଯାନବାହାନ ଚଳାଇବା ଯୋଗୁଁ ନୟାଗଡ଼ ଷ୍ଟାଡିୟମ୍ ସମ୍ମୁଖରେ ଏକ ଦୁର୍ଘଟଣା ଘଟିଛି । ସ୍କୁଟି ଓ ବାଇକ୍ ଧକ୍କାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହାତ ହୋଇଥିବା ଜଣାପଡ଼ିଛି । ମୃତ ବ୍ୟକ୍ତି ଜଣଙ୍କ ହେଲେ ସୁରେନ୍ଦ୍ର ପ୍ରଧାନ(୫୩)। ସୂଚନାନୁସାରେ, ନୟାଗଡ଼ ଟାଉନ୍ ଥାନା ଅନ୍ତର୍ଗତ ନବଘନପୁର ପଞ୍ଚାୟତ ଅନ୍ତର୍ଗତ ଗୋପୀନାଥପୁର ଗାଁର ସୁରେନ୍ଦ୍ର ପ୍ରଧାନ ନୟାଗଡ଼ ବଜାରକୁ ରାତି ୮ଟା ସମୟରେ ଯାଉଥିବା ବେଳେ ବିପରୀତ ଦିଗରୁ ଏକ ସ୍କୁଟି ଦୃତ ଗତିରେ ଆସି ନୟାଗଡ଼ ଷ୍ଟାଡିୟମ୍ ସମ୍ମୁଖରେ ଧକ୍କା ଦେଇଥିଲା । ଯାହାଫଳରେ ସମସ୍ତେ ଛିଟିକ ପଡ଼ିଥିଲେ । ରକ୍ତ ଯୁଡୁବୁଡୁ ଅବସ୍ଥାରେ ସ୍ଥାନୀୟ ଲୋକ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ତେବେ ମୁଖ୍ୟ ଚିକିତ୍ସାଳୟରେ ସୁରେନ୍ଦ୍ର ପ୍ରଧାନଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ଅନ୍ୟ ଜଣେ ଗୁରୁତର ହୋଇଥିବା ଜଣାପଡ଼ିଛି । ତେବେ ଖବର ପାଇ ନୟାଗଡ଼ ପୋଲିସ ମୃତ ଶରୀର ଜବତ କରିବା ସହ ଶବ ବ୍ୟବଚ୍ଛେଦ କରି ଆଜି ପରିବାର ଲୋକଙ୍କୁ ହସ୍ତାନ୍ତର କରିଛି । ସେପଟେ ପୋଲିସ୍ ଘଟଣାର ତଦନ୍ତ ଆରମ୍ଭ କରିଥିବା ମୃତକଙ୍କ ସଂପର୍କୀୟ ମାନେ ଶବ ଦାହ ନକରି ଶ୍ମଶାନ ନିକଟରେ ଶବ ରଖି ବିପକ୍ଷ ଗାଡ଼ି ଚାଳକ ଉପରେ କାର୍ଯ୍ୟାନୁଷ୍ଠନ ଦାବି କରିଥିଲେ । ବୁଝାସୁଝା ପରେ ଶବ ଦାହ କରାଯାଇଥିବା ବିଶେଷ ସୂତ୍ରରୁ ଜଣାପଡିଛି ।