ନୟାଗଡ଼, (ଓଡ଼ିଶା ଲେଖା): ନୟାଗଡ଼ ସହରରେ ଅବସ୍ଥିତ ନବୋଦୟ ବିଦ୍ୟାଳୟ ପରିସରରେ ଆଜି ଏକ ଅଘଟଣ ଘଟିଛି । ଉକ୍ତ ବିଦ୍ୟାଳୟରେ କାର୍ଯ୍ୟରତ ରୋଷେୟା ବିକ୍ରମ କୁମାର ସିଂ ତାଙ୍କ ପରିବାର ସହ ବିଦ୍ୟାଳୟ ପରିସର କ୍ୱାର୍ଟରରେ ରୁହନ୍ତି । ଆଜି ତାଙ୍କ ପୁଅ ସାଇ ସୁବଜିତ୍ ସିଂ(୭) ବାଲକୋନୀରେ ଖେଳୁଥିବା ସମୟରେ ଅସାବଧାନତା ଯୋଗୁଁ ତଳକୁ ଖସି ପଡ଼ିଥିଲେ । ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା । ଡାକ୍ତର ସେଠାରେ ଶିଶୁଟିକୁ ମୃତ ଘୋଷଣା କରିଛନ୍ତି । ଏହାକୁ ନେଇ ଟାଉନଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି । ବିକ୍ରମଙ୍କ ଘର କଟକ ଜିଲ୍ଲା ବୈଦେଶ୍ୱର ଅଞ୍ଚଳରେ ବୋଲି ସୂଚନା ମିଳିଛି ।
