ନରସିଂହପୁର, (ଓଡ଼ିଶା ଲେଖା): କଟକ ଜିଲ୍ଲା ନରସିଂହପୁର ବ୍ଳକର ସର୍ବ ପୁରାତନ ବାଲିଝରୀ ମାଆ ମହାଲକ୍ଷ୍ମୀ ପୂଜା ମହୋତ୍ସବ ଚଳିତ ବର୍ଷ ୫୩ ବର୍ଷ ପୂର୍ତ୍ତି ଉତ୍ସବ ଅନୁଷ୍ଠିତ ହୋଇଛି। ଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ଵଳନ ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା। ମୁଖ୍ୟ ଅତିଥି ଭାବେ ବଡମ୍ବା ନରସିଂହପୁର ବିଧାୟକ ବିଜୟ କୁମାର ଦଳ ବେହେରା ଯୋଗ ଦେଇ ଉଦ୍ଘାଟନ କରିଥିଲେ। ବାଲିଝରି ମହାଲକ୍ଷ୍ମୀ ପୂଜା,ଦିନେ ଉତ୍ସବ ପାଳନ ହେଉଥିବା ବେଳେ ଆଜି ମହୋତ୍ସବରେ ପରିଗଣିତ ହୋଇଛି । ଏହି ମହୋତ୍ସବ ଏବେ ଓଡିଶା ରେ ଚର୍ଚ୍ଚା ପରିସରକୁ ଆସିଛି। ବାଲିଝରି ଠାରୁ ରତାପାଟ ପର୍ଯ୍ୟନ୍ତ ହେଉଥିବା ବିଶାଳ ମେଳା ମହାଦ୍ରୁମରେ ପରିଣତ ହୋଇଛି ବୋଲି ବିଧାୟକ ଶ୍ରୀଯୁକ୍ତ ଦଳବେହେରା ବକ୍ତବ୍ୟ ରଖିଥିଲେ।
ଆସନ୍ତା ଡିସେମ୍ବର ୧୨ ତାରିଖ ପର୍ଯ୍ୟନ୍ତ ଏହି ମେଳା ଚାଲୁ ରହିବ। ରହି କାର୍ଯ୍ୟକ୍ରମ ରେ ମୁଖ୍ୟ ବକ୍ତା, ମହୋତ୍ସବ କମିଟିର ଉପଦେଷ୍ଟା ବରିଷ୍ଠ ନାଗରିକ ଯୋଗୀନାଥ ନାୟକ, ସମ୍ମାନିତ ଅତିଥି ଭାବେ ନରସିଂହପୁର ତହସିଲଦାର ପ୍ରଳୟାନନ୍ଦ ଶତପଥୀ, ସରପଞ୍ଚ ସ୍ଵାଗତିକା ରାଉତ, ସମିତି ସଭ୍ୟ ମହେଶ୍ଵର ସେଠୀ, ମହୋତ୍ସବ କମିଟିର କାର୍ଯ୍ୟକାରୀ ସଭାପତି ସଞ୍ଜୟ କୁମାର ନାୟକ, କାର୍ଯ୍ୟକାରୀ ସମ୍ପାଦକ ନିହାର ରଞ୍ଜନ ସ୍ୱାଇଁ, ବାଲିଝରି ଗ୍ରାମ୍ୟ କମିଟି ସଭାପତି ଫକିର ଚରଣ ରାଉତ, କାନପୁର ଆଞ୍ଚଳିକ ମହାବିଦ୍ୟାଳୟ ପ୍ରାକ୍ତନ ଅଧ୍ୟକ୍ଷ ସୁରେନ୍ଦ୍ର କୁମାର ଦାସ ପ୍ରମୁଖ ଉପସ୍ଥିତ ଥିଲେ।
