ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲାପାଳଙ୍କ ଆବାସିକ କାର୍ଯ୍ୟାଳୟ ପରିସରରେ ଜିଲ୍ଲା ସ୍ତରୀୟ ମାର୍ଗଦର୍ଶନ କମିଟିର ଏକ ମହତ୍ତ୍ୱପୂର୍ଣ୍ଣ ବୈଠକ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ନୟାଗଡ଼ ଜିଲ୍ଲାରୁ ଉତ୍ପାଦିତ ଦ୍ରବ୍ୟ ଗୁଡ଼ିକର ବ୍ରାଣ୍ଡିଂ ଏବଂ ପ୍ୟାକେଜିଙ୍ଗ ଉପରେ ବିଚାର ବିମର୍ଶ କରାଯାଇଥିଲା । ମୁମ୍ବାଇ ସ୍ଥିତ ଭାରତୀୟ ପ୍ୟାକେଜିଙ୍ଗ ସଂସ୍ଥାନର ଯୁଗ୍ମ ନିର୍ଦ୍ଦେଶକ ସୁବୋଧ କେ ଯୁଇକର ବିଶେଷଜ୍ଞ ଭାବେ ଭିଡିଓ କନଫରେନ୍ସ ମାଧ୍ୟମରେ ଯୋଗ ଦେଇ କମିଟିର ଉଚିତ୍ ମାର୍ଗଦର୍ଶନ କରିଥିଲେ । ବ୍ରାଣ୍ଡର ଆକର୍ଷଣୀୟ ଡିଜାଇନ୍ ପ୍ରତି ଗୁରୁତ୍ବ ଦେବା ସହିତ ଆଗାମୀ ଦିନରେ ଯେପରି ବ୍ରାଣ୍ଡର ଅପବ୍ୟବହାର ନ ହୁଏ ସେଥି ପ୍ରତି ସଜାଗ ରହିବାକୁ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲ ପରାମର୍ଶ ଦେଇଛନ୍ତି ।
