ଓଡ଼ିଶା ଲେଖା ଅଫିସ୍: ଜିଲ୍ଲାପାଳ ହେବ ତ ଏମିତି । ତାଗିଦ୍ ନୁହେଁ ସିଧାସଳଖ କାର୍ଯ୍ୟାନୁଷ୍ଠାନ। ପୁଣି ତଳ ତଳିଆ କର୍ମଚାରୀଙ୍କ ଉପରେ ନୁହେଁ ଖୋଦ୍ ବଡ଼ ବଡ଼ିଆ ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ନେଇଛନ୍ତି କଟକ ଜିଲ୍ଲାପାଳ ଦତ୍ତାତ୍ରେୟ ଭଉସାହେବ୍ ସିନ୍ଧେ। ଜିଲ୍ଲାପାଳଙ୍କ ଏଭଳି ପଦକ୍ଷେପ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ହଁ ଆଜ୍ଞା, ବଡ଼ ବଡ଼ ଅଧିକାରୀ ମାନେ ଲୋକଙ୍କ ଅଭିଯୋଗର କାର୍ଯ୍ୟକାରୀ କରୁନଥିବାର ଜିଲ୍ଲାପାଳଙ୍କ ପାଖକୁ, ସେହି ଅଭିଯୋଗ ଗୁଡ଼ିକ ବାରମ୍ବାର ଆସୁଛି । ତେଣୁ ଜିଲ୍ଲାପାଳ ଶ୍ରୀଯୁକ୍ତ ସିନ୍ଧେ ବାଧ୍ୟ ହୋଇ ଦରମା ବନ୍ଦ କରି କଡା କାର୍ଯ୍ୟାନୁଷ୍ଠାନ ନେଇଛନ୍ତି ।
ଆଠଗଡ଼ ଉପ ଜିଲ୍ଲାପାଳ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ, ଡିସିପି କଟକ, ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସାଧିକାରୀ, ଟିପିସିଓଡିଏଲ୍ ଓ ସେଶୁ, ସିଏମସି କମିଶନର, ଏସସ୍ପି, ଜିଲ୍ଲା ଯୋଗାଣ ଅଧିକାରୀ, ଜିଲ୍ଲା ଶ୍ରମ ଅଧିକାରୀ, ପୂର୍ତ୍ତ ବିଭାଗ ଓ ତହସିଲଦାର, ବିଡ଼ିଓ ମାନଙ୍କ ସହ ୯୧ଜଣଙ୍କ ଦରମା ବନ୍ଦ କରିଛନ୍ତି କଟକ ଜିଲ୍ଲାପାଳ । ଜନ ଶୁଣାଣୀ ଅଭିଯୋଗ ଗୁଡ଼ିକ ତୁରନ୍ତ କାର୍ଯ୍ୟକାରୀ କରିବାକୁ ପରାମର୍ଶ ଦେଇଛନ୍ତି । ଜିଲ୍ଲାପାଳଙ୍କ ଏଭଳି ପଦକ୍ଷେପକୁ ଜନସାଧାରଣରେ ପ୍ରଶଂସା କରାଯାଇଛି।
